Guvernatori i Bankës së Shqipërisë, Ardian Fullani ka deklaruar për vjedhjen se, qëndrimi si Guvernator është tregues përgjegjshmërie. “Unë e shoh përgjegjësinë administrative të Guvernatorit kryesisht në garantimin e stabilitetit dhe të pavarësisë të bankës. Një gjë të tillë po e dëshmon i gjithë spektri politik në deklaratat e tij zyrtare, që adresojnë këtë problem delikat. Vijimi im si guvernator i bankës është tregues përgjegjshmërie në raport me rolin që ka ky post, në garantimin e sistemit bankar dhe sigurimit të pavarësisë”, thotë Fullani.