POP 5

Lajmet më të lexuara të 5 minutave të fundit

Kronikë

Fundjava e fundit brenda! Nesër gjithçka mbyllur, nga e hëna farmacitë, bankat e marketet hapur deri në 17:30

Kjo do të jetë fundjava e fundit ku nuk do të ketë asnjë lëvizje dhe asgjë hapur, teksa të gjithë qytetarët do të qëndrojnë 40 orë brenda.

Fundjava e fundit brenda! Nesër gjithçka mbyllur, nga e hëna farmacitë, bankat e marketet hapur deri në 17:30

Nesër gjithçka është mbyllur në të gjithë vendin. Kjo do të jetë fundjava e fundit ku nuk do të ketë asnjë lëvizje dhe asgjë hapur, teksa të gjithë qytetarët do të qëndrojnë 40 orë brenda. Karantina e gjatë nisi sot në orën 13:00 për të vijuar neser dhe deri të hënën në mëngjes në 05:00. Ndërkohë që nga e hëna, fasha orare do të zgjatet deri 17:30, autorizimet për leje-dalje për pazar do të jenë 90 minuta. Po ashtu farmacitë, marketet dhe bankat do të qëndrojnë të hapura deri në orën 17:30.

Kryeministri Edi Rama bëri me dije, po ashtu se në javën e ardhshme, gjithmonë nëse kurba do të ketë këtë trend rënie, do të shihet mundësia për të zgjeruar edhe lëvizjen me makina private të kompanive që lejohen të qëndrojnë të hapura. Masa lehtësuese, do të shoqërohen me ndëshkime më të ashpra, për të cilat qeveria ka paralajmëruar ndryshime të kodit penal dhe rrugor.

Gjithashtu java që vjen pritet që të jetë e mbushur me zhvillime, pasi do të prezantohet paketa e zgjeruar financiare, ku do të përfshihen edhe bizneset e vogla që nuk janë mbyllur, por kanë pasur dëme ekonomike si pasojë e kësaj situate (agjenci turistike, rrobaqepësi e mobilieri të vogla, hidraulikë, elektricistë, fizioterapi, kancelari, servise makinash e lavazhe të licencuar), do të përfshihet gjithashtu biznesi i madh, sektori turistik dhe fasoneritë.

Fundi i majit, është parashikimi i bërë nga Task Forca, ku jeta mund t'i kthehet në vija të përgjithshme jetës normale, ku parashikohet të hapet pjesa më e madhe e bizneseve, por me rregulla të mirëpërcaktuar. Për do të hartohet edhe një rregullore me standardet bazë për këtë biznese që do të hapen në javët e mëtejshme.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sam: 12/04/2020 04:56

    Vendimi per izolin eshte teresisht i drejte sepse ata jane njerez dhe me pak aktiviter fizik pra,lehtesisht te prekeshem nga armiku i padukeshem,po keshtu me kodin zgjedhor egzistues deputetet jane figura partiake dhe si te tille ata nuk kane besueshmeri ne popull por vetem jane shushunja te tij dhe vetem do te urehen nga sovrani;ndryshoni kodin zgjedhor,beni zgjedhje jo me lista zgjedhore por me kandidate me emra dhe ky eshte kyci i arte!

    Përgjigju
  • Orjeta: 11/04/2020 23:47

    Mendoj qe nuk eshte e drejte per momentin kjo zgjidhje.Me mire te rrime edhe ca kohe ne izolim, se sa neser ne trishtim. Njerezit sic ndenjen do vazhdonin te rrinin.

    Përgjigju
  • Faisbe: 11/04/2020 23:36

    Per pensionistet e vetmuar te parashihet nje fashe orari e veçante dy oreshe vetem per ata.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

Mijëra njerëz në Mitropolinë e Athinës bënë homazhe, të pranishëm kryeministri Mitsotakis, presidentja dhe kryetari i Kuvendit grek

27 Janar, 08:43