Fundjavë e nxehtë në Superiore,
ja kush është kryesfida e 17-të

Federata Shqiptare e Futbollit ka përcaktuar datat dhe oraret e sfidave të ardhshme të kategorisë superiore.

Java e 17-të është vendosur të luhet në një ditë të vetme, të dielën, me ndeshjet të ndara në dy orare.

Kështu, sfida që do të përcaktojë kreun në vazhdim, Kukësi-Skënderbeu, do të luhet në orën 14:00 si dhe do të transmetohet pa pagesë nga RTSH.

Një tjetër ndeshje që do të luhet po në këtë orar është edhe takimi mes Flamurtarit dhe Laçit.  

Ndeshjet e tjera Partizani - Korabi, Tirana - Luftëtari dhe Teuta - Vllaznia do të vazhdojnë në orën 17:00. Renditja e tabelës kryesohet nga dyshja Kukësi-Skënderbeu e cila në fundjavë luan përballë njëra-tjetrës, me nga 32 pikë për kokë.


 (Ndeshjet e javës së 17-të)

Redaksia Online
K.M/Shqiptarja.com