GJIROKASTER – Një tjetër aksident me pasojë vdekjen është regjistruar sot në orët e para të mëngjesit në aksin rrugor Gjirokastër – Kakavijë. Kostandin Boqe, 54 vjeç, ka humbur jetën si pasojë e përplasjes së automjetit që ai po drejtonte, një fuoristradë me targa greke, me një kamion që drejtohej nga shtetasi Nazmi Basha.

Në fuoristradë ndodheshin edhe dy persona të tjerë të cilët ndodhen jashtë rrezikut për jetën.

Nga hetimet paraprake mendohet se aksidenti ka ardhur si pasojë e përgjumjes së shoferit të fuoristradës.

(im/shqiptarja.com)