Furgoni bosh por kundërmonte era hashash, si u kapën dy shqiptarë në Palermo

Furgoni bosh por kundërmonte era hashash, si u kapën dy shqiptarë në Palermo

Foto ilustruese

Në Ispica të Palermos, Guardia di Finanza ka sekuestruar 188 kg marijuanë dhe ka arrestuar dy poseduesit e lëndës narkotike, të dy shqiptarë.

Mediat italiane bëjnë me dije se shqiptarët janë të moshës 28 dhe 26 vjeç dhe mbi ta rëndon akuza e trafikut të lëndëve narkotike.

Ngjarja ndodhi më 29 shtator, kur policia pikasi në rrugë një furgon, i cili ndaloi më pas në hyrjen e një banese e që aty u rinis. Siç raportohet, policia ndaloi mjetin e dyshimtë për kontroll, nga i cili kundërmonte era e marijuanës, ndonëse ishte bosh.

Lajmi i publikuar në mediat italiane

Policia nisi më pas kontrollin në banesën ku kishte ndaluar pak momente më parë furgoni. Brenda banesës, në një nga dhomat e saj policia gjeti 45 çanta plastike me në total 188 kg kanabis brenda.

Kjo ka bërë që dy shqiptarët që udhëtonin në furgonin e pikasur nga policia të akuzohen për trafik lëndësh narkotike. Brenda furgonit policia ka sekuestruar edhe 3 mijë euro.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri