Furnizoi makinën në disa karburante me lekë false, 'Euro 2020' arreston dy të rinj në Tiranë

TIRANË - Dy të rinj janë arrestuar në kuadër të operacionit të koduar “Euro 2020” pasi përdornin kartëmonedha të falsifikuara. Të arrestuarit janë Uiliam Myrta dhe Nikola Pjetrushaj, të dy nga 19 vjeç, banues në Tiranë.

Këta dy të rinj sipas policisë dyshohet se në bashkëpunim me njëri-tjetrin, në kohë dhe në vende të ndryshme të kryeqytetit, kanë përdorur kartëmonedha false në disa pika karburanti dhe kioska.

Në cilësinë e provës materiale janë sekuestruar dy celularë dhe kartëmonedha të falsifikuara.

Materialet iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Falsifikimi i monedhave", kryer në bashkëpunim.

TAG:
• Uiliam Myrta
• Nikola Pjetrushaj