Burime zyrtare nga policia bëjnë me dije se nuk ka të plagosur, por vetëm dëme materiale.
Konkretisht, është dëmtuar porta e jashtme e oborrit të banesës private të 56-vjeçarit B.B., në lagjen ”Magaze”, nga ngjarja e ndodhur gjatë orëve të para ditës së sotme (rreth mesnatës).
Gjatë kqyrjes së vendit të ngjarjes, u gjetën dhe sekuestruan në cilësinë e provave materiale, gëzhoja model 56 kalibër 7.62 mm, një bërthamë metalike predhe fisheku dhe një këmishë predhe.
Specialistët për Krimet vijojnë punën për zbardhjen dhe dokumentimin e plotë të ngjarjes.
Ndërkaq, materialet për këtë rast i kaluan Prokurorisë së Rrethit Gjyqësor Krujë për veprime të mëtejshme për veprat penale: ”Kanosja”,“Prodhimi dhe mbajtja pa leje e armëve luftarake dhe e municionit”.
Redaskia Online
(m.b/shqiptarja.com)
![](https://www.shqiptarja.com/template/img/sh_logo1.png)