Fusha: Hetimet për vjedhjen 
drejt fundit, kërkojmë paratë

Fusha: Hetimet për vjedhjen <br />drejt fundit, kërkojmë paratë
TIRANE -  Hetimet për mega-skandalin në institucionin më të lartë financiar në vend, atë të vjedhjes së rreth 713 milionë lekëve të rinj nga thesari i shtetit janë drejt përfundimit. Ishte prokurori i Tiranës Petrit Fusha që bëri publik për mediat këtë fakt, ndërsa theksoi se këtij hetimi nuk do t’i shmanget askush, duke përfshirë këtu dhe guvernatorin e Bankës së Shqipërisë Ardian Fullani. 

Ai tha gjithashtu se po punohet për të gjetur destinacionin se ku kanë përfunduar paratë e vjedhura nga thesari në Linzë, por edhe të bashkëpunëtorëve të përgjegjësit të arkës stok, Ardian Bitraj, i cili deri më tani ka pranuar se ka kryer i vetëm vjedhjen.

Pyetjes së A1 REPORT nëse në përfundim të hetimeve do të  ketë shkarkim të Guvernatorit Fullani, prokurori Fusha tha se për përgjegjësitë do të vendoset vetëm në mbyllje të tyre.
 
“Do thirren të gjithë personat që kanë dijeni. Vazhdojnë hetimet me intensitet.
Gazetari: A do të kërkohet shkarkimi i guvernatorit Fullani në përfundim të hetimeve? Në përfundim do të gjykojmë dhe do të vendosim për përgjegjësinë.
Gazetari: Kur përfundojnë hetimet? Së shpejti përfundojnë hetim 

Keto pergjigje, Fusha i dha ndersa hynte ne ambjentet e Prokurorise se Tiranes, ndersa sot u moren ne pyetje dy anetaret e pare te Keshillit Mbikeqyres se Bankes se Shqiperise, Ermelinda Meksi dhe Ela Golemi ne lidhje me vjedhjen e 713 milione lekeve te rinj nga thesari i shtetit ne Linze. 

Anetaret e Keshillit Mbikeqyres Ermelinda Meksi dhe Ela Golemi merren ne pyetje nga Prokuroria

Burime nga grupi hetimor shpjeguan për A1Report se dy anëtaret e Kkëshillit Mbikëqyrës u pyeten në cilësinë e personave që kanë dijeni për ngjarjen, ku për afro 2 orë e 30 minunta znj.Meksi dhe Golemi dëshmuan në ambjente të veçuara në prokurori në lidhje me skandalin e vjedhjes në thesar.

Në një kohë kur dëshmitë e dy anëtareve të Këshillit Mbikëqyrës mbeten sekret, ato vetë për mediat u shprehen se dëshmuan gjithçka u pyeten nga hetuesit. 
Po ashtu në prokurori në lidhje me procedurat që Banka e Shqipërisë ndjek në lidhje me auditimet, kontrollet dhe raportet me stafin këtë të premte dëshmuan dhe drejtori juridik i Bankës Altin Naçi, i cili pranoi faktin se prokuroria ka skuestruar një sërë dokumentesh të tjera të dorëzuar prej tij, si dhe ish-inspektoria e përgjishme e Bankës Teuta Baleta.

Redaksia Online
(Gre.M/Shqiptarja.com)

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet