Rama thirrje partive: Të biem dakord si të bëjmë fushatë në pandemi! Meta le t'i hipi kalit e të dalë me shpata

Kryeministri Edi Rama ju bëri thirrje partive politike që të ulen së bashku për të gjetur një formulë se si do të zhvillohet fushata elektorale në pandemi. Në një konferencë për mediat në aeroportin e Rinasit, Rama ju bëri thirrje partive politike që të gjithë bashkë të gjejnë një marrëveshje se si do të zhvillohet fushata elektorale në pandemi.

Kryeministri Edi Rama tha se po diskutohet që të krijohet një marrëveshje në lidhje me rregullat anti COVID që duhet të respektohen nga të gjitha partitë pasi jemi para një fushate elektorale dhe duhet të gjejmë një zgjidhje.

"Po mendoj se forcat politike të paktën ato forca kryesore të merren vesh se çfarë do bëjmë dhe si do ja bëjmë deri më 25 prill. çdo shtrëngim masash do të interpretohet si një reagim diktatorial i Edi Ramës. Kjo nuk është problem i kostos personale se çfarë bëri një më shumë, por problem i efektit, jemi duke e diskutuar do të shohim nëse do gjejmë  një rrugë duke iu referuar ekspertëve që të kem i një marrëveshje për rregullat që duhet të respektohen nga të gjithë, jemi para një fushate elektorale dhe duhet të gjejmë një zgjidhje, të shohim nëse mund të bëjmë diçka pasi do ishte mire për të gjithë, pasi do ishte tmerr në kushte pandemie një fushatë elektorale që del nga kontrolli. Të ketë një balancë dhe të gjithë të biem dakord për rregullat. Presidenti mund të lërë “Mercedezin”, mund të marrë kalin dhe të angazhojë nga këta të dekoratave të nisen me kuaj dhe shpata, është e vështirë që ta frenosh po nuk pati konsensues. Rreziku për kuaj bëhet imediat. Mund të tërbohen dhe kuajt.", tha Rama.   


Lajmi kryesor:

Vijnë 8190 doza nga Pfizer, Rama: S'është punë parash, më mirë kthehesha 3 herë për sigurimin e fondeve për rindërtimin! Vaksina ruse e kineze të suksesshme


I.K./Shqiptarja.com
  • Sondazhi i ditës:

    Figura të reja dhe lidershipi i partisë në zonë rreziku/ A ka zgjedhur PS strategjinë e duhur për siguruar një tjetër mandat?



×

Lajmi i fundit

John

I doli emri tek lista e koalicionit opozitar, reagon i habitur ish-anëtari i këshillit bashkiak në Shkodër: Guxim i tepërt, nuk kam firmosur asnjë formular