Fushata merr zë edhe jashtë Shqipërisë, Wetransfer mbështet kauzën e lumit Vjosë

Fushata merr zë edhe jashtë Shqipërisë, Wetransfer mbështet kauzën e lumit Vjosë

Faqja e wetransfer në mbështetje të Vjosës

Prej vitesh, një sërë projektesh për ndërtime të hidrocentraleve kanë rrezikuar shkatërrimin e Lumi i Vjosës në Shqipëri e konsideruar si një pasuri e Europës.

Për ta parandaluar këtë janë ndërmarrë një sërë nismash prej vitesh për të shpallur Vjosën Park Kombëtar, në mënyrë që të mbrohet nga çdo lloj ndërtimi nga dora e njeriut.

Kauza e Vjosës tashmë ka marrë zë jashtë Shqipërisë dhe së fundmi kjo kauzë është mbështetur edhe nga wetransfer rrjeti që përdoret për transferimin e materialeve të ndryshme.

Kushdo që mund të ketë dërguar dokumente përmes faqes së internetit wetransfer mund të ketë vënë re se i kanë dedikuar faqen e tyre fushatës së lumit të Vjosës. Në faqen e wetransfer bëhet thirrje që të ndihmohet që Vjosa të shpallet “Park Kombëtar”.

Aktori i famshëm i Hollivudit Leonardo Di Caprio ka qenë një ndër mbështetësit e kësaj kauze, nëpërmjet postimeve dhe thirrjeve në rrjetet e tij sociale për të ndërgjegjësuar qeverinë në mënyrë që Vjosa të shpallet “Park Kombëtar”.  Ai ishte një nga të parët që promovoi filmin e shkurtër të prodhuar nga kompania “Patagonia” me titull “Vjosa Forever”.

Lumi i Vjosës në Shqipëri është një ndër lumenjtë e fundit të egër dhe të pa prekur nga dora e njeriut, që ekzistojnë në Europë. Me një gjatësi prej 270 km, i ndarë në kanione, lumenj të ndërthurur, ishuj dhe gjarpërime të rrëmbyeshme, Vjosa lidh shtetet e Europës së bashku.

Me ndërtimin e një dige, lumi shndërrohet në liqen dhe të gjithë speciet të cilat jetojnë aty vdesin. Lumi Vjosa, speciet e tij dhe gjallesat që varen prej tij janë në rrezik dëmtimi të përhershëm nga digat.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

 Rrëzimi i helikopterit të presidentit iranian, ushtria: Aeroplani është lokalizuar

Rrëzimi i helikopterit të presidentit iranian, ushtria: Aeroplani është lokalizuar