POP 5

Lajmet më të lexuara të 5 minutave të fundit

Sociale

Gjallesat në Sazan-Karaburun në rrezik nga turistët! Agjencitë turistike shkelin kodin e sjelljes, ndotin plazhet

Lundrimet e panumërta të anijeve turistike dhe skafeve drejt Parkut Kombëtar Sazan Karaburun kanë sjellë dëme për florën dhe faunën detare. Specialisti i Zonave të Mbrojtura Nexhip Hysolakaj tha agjencitë turiske nuk respektojnë Kodin e Sjelljes.

Anijet turistike që transportojnë turistë nga Vlora drejt Parkut Kombëtar Detar, Sazan-Karaburun kanë dëmtuar gjallesat në det.

“Fluksi turistik ka impakt të madh, sidomos për sa i përket mbetjeve që lënë turistët nëpër plazhe. Por edhe në shpella ka impakt negativ. Nuk respektohet kodi i sjelljes nga operatorët turistik”, tha Nexhip Hysolakaj.

Nga muaji Maj deri në Shtator janë bërë dy moniorime mbi aktivitetin në Gjirin e Vlorës dhe në Sazan-Karaburun. Nexhip Hysolakaj specialist prane Zonave te Mbrojtura tha se agjencitë turistike lënë pirgje me plehra në plazhet e virgjëra, ç’ka çon në dëmtimin e florës dhe faunës. Po kështu ndryshimet klimatike kanë sjellë ndryshim të popullatës në Gjirin e Vlorës.

“Ne merremi me monitorime të shumë specieve të ndryshme si gaforrja blu që është kthyer në shqetësim për peshkatarësh, por ka dhe disa peshq dhe peshkaqenë që nuk kanë qenë pjesë e Gjirit të Vlorës. Ato kanë ardhur si pasojë e ndryshimeve klimatike”.

“Sazan-Karaburun” është i vetmi Park Kombëtar Detar, ku jetojnë 36 specie, mes tyre dhe ato qëi përkasin llojeve të rrezikuara. Habitatet detare shqiptare vizitohen shpesh nga gjitarët e rrallë, siç është foka mesdhetare.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06