POP 5

Lajmet më të lexuara të 5 minutave të fundit

Kronikë

Fushë-Krujë/ Bllokohen furgonat për nxënësit e fshatrave! Prindërit në protestë

Prej disa ditësh në Fushë-Krujë janë bllokuar furgonat që transportojnë nxënësit e fshatrave, drejt qytetit pasi nuk disponojnë licencë. Prindërit kanë dalë në protestë, ndërsa bashkia thotë se në fshatra janë ndërtuar shkollat e reja nga BE-ja, ndaj fëmijët duhet të mësojnë pranë vendbanimit të tyre.

Bashkia e Krujës dhe Policia Rrugore kanë bllokuar furgonat që transportojnë nxënësit e fshatrave në shkollat e qytetit të Fushë-Krujës, pasi nuk disponojnë leje të posaçme për transportin e nxënësve. Janë afro 500 fëmijë nga parashkollori deri në gjimnaz që zhvillojnë mësimin në shkollat e qytetit.

Të revoltuar, prindërit e tyre, banorë të fshatrave Halil, Kameras, Derven dhe Luz, si dhe të lagjeve periferike protestuan mëngjesin e së enjtes para Njësisë Administrative Fushë-Krujë. Ata shprehen se janë detyruar të lënë punën për të shoqëruar fëmijët në shkollë apo kopësht. Disa prej tyre thanë se përshkojnë 2-3 kilometra në këmbë me fëmijët e vegjël.

“Ne nuk kemi furgona. Po vijmë me fëmijët në këmbë, rrezik me na zënë makina. Të voglin e marr në krah të madhin përdore, 4 km rrugë. Duhet të shkoj në punë, nuk i shoqeroj dot ccdo ditë”,thanë ata.

Drejtues të Njësisë Administrative Fushë-Krujë thanë jashtë kameras se “banorët nuk kanë asnjë të drejte pasi fshatrat kanë shkolla e kopshte me kushte bashkëkohore rindërtuar me fondet e BE-së dhe nuk kanë arsye ti dërgojnë fëmijët në shkollat e qytetit. Përjashtim bën zona e Niklës, ku shkolla është në proces rindërtimi, ndaj nxënësve pritet tu mundësohet transporti, pasi drejtuesit e furgonave të plotësojnë kriteret e licensimit. 

M.T/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

25 Dhjetor, 10:17