POP 5

Lajmet më të lexuara të 5 minutave të fundit

Kronikë

Mungesa e ujit në Fushë Mëzez, banorët: Paguajmë shërbim, kemi 15 vite pa ujë

Banorët e Fushë Mëzezit në Kashar prej gati 15 vitesh vuajnë mungesën e ujit.

Banorët e Fushë Mëzezit në Kashar prej gati 15 vitesh vuajnë mungesën e ujit. Ky shqetësim i tyre nuk ka marrë asnjëherë zgjidhje, por megjithatë banorët tregojnë se vijojnë të paguajnë fatura, ndonëse nuk e marrin shërbimin.

Jemi në zonën e Fushë Mëzezit fare pranë kryeqytetit tonë, Tiranës. Kemi ardhur këtu për një shqetësim të disa banorëve, i cili lidhet pikërisht me ujin. Janë disa familje në këtë zonë, të cilat vuajnë për gati 15 vite mungesën e ujit. Ne do të shohim se si qëndron ky problem.

Ne nuk marrim asnjë pikë uji. Furnizohemi me ujë nga tre drejtime. Ujin e pijshëm e blejmë, ujin për gatim e blejmë, ndërsa ujin për t’u larë e marrim nga pusi që kemi hapur me shpenzimet tona, i cili me analizat që kemi bërë është tejet i ndotur. Unë kam kontratë, unë paguaj rregullisht.

Bashkim Hajdinaj, banor i Fushë Mëzezit

Për t’u larë përdorim ujin e pusit, për të gatuar marrim me autobot, dhe për të pirë blejmë. Pensionista jemi. Nuk kemi asnjë lloj ndihme tjetër.

Mamude Haxhiaj, banore e Fushë Mëzezit

Këta banorë kanë shqetësimin e mungesës së ujit prej gati 15 vitesh, por megjithatë disa prej tyre e paguajnë atë. Shkojmë të shohim bashkë se ku ndodhet sahati, por edhe librezën me të cilën këta banorë paguajnë një shërbim që nuk e marrin.

Ky është sahati që zoti Bashkim ka vendosur para 4 vitesh, të cilin e ka blerë vetë me shpenzimet e tij. Por, megjithatë, edhe pas vendosjes së sahatit po ashtu edhe pagesës së rregullt të kontratave ai nuk ka ende shërbimin e kërkuar, ujin e pijshëm.

Kam paguar sistematikisht për çdo muaj, ujë. Në 2016 filloi të rritej. Ujë s’kam pasur asnjëherë.

 Bashkim Hajdinaj, banor i Fushë Mëzezit

Deri në këto momente, asnjë nga institucionet përgjegjëse nuk ka marrë asnjë masë, lidhur me këtë shqetësim.

( Libreza e ujit, e cila vërteton se banori ka paguar rregullisht faturat e detyrimet ndaj shtetit)

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Fier/ Shpërndante kokainë në doza pranë gjimnazeve, arrestohet 29 vjeçari (EMRI)

Fier/ Shpërndante kokainë në doza pranë gjimnazeve, arrestohet 29 vjeçari (EMRI)

18 Dhjetor, 14:40