POP 5

Lajmet më të lexuara të 5 minutave të fundit

Sport

Futboll me çdo kusht, edhe nëse luhet deri në gusht, Championsi nis më 18 korrik

Në Itali, por edhe në Europë, së fundmi është hedhur ideja që kampionatet të mbyllen me çdo kusht, edhe nëse do të duhet të përfundojnë në mesin e gushtit.

Futboll me çdo kusht, edhe nëse do të duhet të luhet në gusht. Kjo është linja që raportohet nga mediat italiane në lidhje me vijimësinë e këtij sezoni, që deri më sot ka patur variante të ndryshme si pasojë e përshtjellimit që ka sjellë koronavirusi. Hipoteza dhe mundësia më e madhe është që kampionatet në Europë të mbyllen me patjetër dhe në fund të përcaktohet një fitues.

Kjo është një linjë me të cilën bien dakord shumë drejtues klubesh në Seria A dhe që mendohet se kanë pëlqimin edhe Liga të tjera të rëndësishme në Europë. Në fund të majit raportohet se rreziku mund të ketë kaluar dhe më 3 qershor klubet ti kthehen fushës së gjelbër për të mbyllur sezonin. Sigurisht do të ketë ngjeshje ndeshjesh, por ideja është që deri në mesin e korrikut kampionatet të kenë përfunduar.

Me këtë ide duhet të jetë dakord edhe UEFA, që mendohet se nuk do të ketë kundërshtime. Në këtë linjë parashikohet që Champions League të nisë më 18 korrik, ndërsa më 20 korrik Europa League. Kjo do të sillte më pas që sipari i futbollit në Europë të ulet në mesin e gushtit.

Sipas këtij plani ky parashikohet që të jetë një sezon tepër i vështirë për futbollistit, duke patur parasysh që sezoni i ri do të nisë në mesin e muajit shtator. Edhe sezoni 2020-2021 do jetë disi i ngjeshur, pasi në kushte normale nis në mesin e muajin gusht, por në këto rrethana ky mbetet opsioni më i mundshëm.

Kjo ide e futbollit me çdo kusht u tha i pari nga presidenti i Federatës Italiane të Futbollit, i cili tha se kampionati do mbyllet me çdo kusht pasi do të shpallet fituesi.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23