POP 5

Lajmet më të lexuara të 5 minutave të fundit

Futbolli i vajzave 4 muaj pa paga, trajnerja: FSHF fsheh të ardhurat! Reagon federata: S'kanë plotësuar dokumentet

Të kontaktuar nga Report TV vajzat dhe trajneret e futbollit në Shqipëri thonë se federata nuk po i paguan që prej janarit. Për më tepër ato theksojnë se edhe kur jepen janë paga të papërfillshme. Vetë FSHF thotë se në lidhje me vonesat janë çështje burokratike që shumë shpejt do zgjidhen.

Futbolli i femrave në Shqipëri po prek fundin. Prej të paktën 4 muajsh Federata Shqiptare e Futbollit, ndonëse propagandon me të madhe, nuk i paguan vajzat që merren me këtë sport. Detyra e saj është vetëm të kalojë në llogari fondin e UEFA-s, pasi futbolli i femrave subvencionohet nga qeveria e futbollit europian, por FSHF edhe këtë nuk e bën.

E kontaktuar nga Report Tv një futbolliste e kampionatit tonë u shpreh se ‘që nga janari federata nuk pagaun pjesën e saj dhe çdo javë premton se kjo situatë do të marrë fund’.

Mirëpo kjo duket se është vetëm maja e ajsbergut. Një trajnere e ekipeve të femrave tha për ‘Report TV’ se ‘edhe kur jepen pagat janë shumë qesharake. Ajo thotë se UEFA i paguan futbollistet me 1200 euro në muaj, por FSHF në Shqipëri jep 100 apo 200 milekë të vjetra’. Sipas trajneres ‘vajzat kanë nisur të largohen nga futbolli dhe nëse vazhdohet me këtë situatë atëherë rrezikohet që futbolli i femrave të shkrihet’.

Në një sezon UEFA akordon 450 mijë euro për futbollin e vajzave ose 540 milionë lekë, por nëse nuk paguhen atëherë ku i dërgon paratë FSHF-ja? E kontaktuar nga Report TV "federata thotë se klubet kanë vonuar dokumentacionin bazik që nevojitet për alokuimin e fondit. Ka ndodhur vetëm më 4 maj dhe pavarësisht kësaj federata do përshpejtoj pagesat".

 

Ne.k./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur

Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur

23 Dhjetor, 20:52