POP 5

Lajmet më të lexuara të 5 minutave të fundit

Kronikë

Futën nga Greqia midhje të ndaluara në Shqipëri dhe ilaçe, në pranga shoferi i autobusit, hetim doganierit

Policia ka goditur dy raste kontrabande duke bllokuar 50 kg midhje (shpuese shkëmbi), produkt i ndaluar që prej vitit 2013, për të hyrë dhe për t'u tregtuar në Shqipëri dhe një sasi medikamentesh, veshjesh dhe pajisjesh të ndryshme të kaluara pa deklaruar tek autoritetet doganore në Kapshticë

Futën nga Greqia midhje të ndaluara në Shqipëri dhe ilaçe, në pranga shoferi i autobusit, hetim doganierit

Ilaçet e sekuestruara

KORÇË- Policia ka goditur dy raste kontrabande duke bllokuar 50 kg midhje (shpuese shkëmbi), produkt i ndaluar që prej vitit 2013, për të hyrë dhe për t'u tregtuar në Shqipëri dhe një sasi medikamentesh, veshjesh dhe pajisjesh të ndryshme të kaluara pa deklaruar tek autoritetet doganore në Kapshticë. Nga operacioni është arrestuar një person, N.V. 42 vjeç, banues në Korçë, ndërsa u proceduan një doganier në Doganën e Kapshticës N.B. 58 vjeç dhe E.Sh. 22 vjeç, banues në Tiranë.

Por si u zbulua kontrabanda? Policia thotë se në bazë të informacioneve të siguruara në rrugë policore, se në autobusët e linjave Athinë-Shqipëri dhe Turqi-Shqipëri, transportoheshin mallra të dyshuara kontrabandë, si edhe gjatë kontrollit të ushtruar nga policia në aksin rrugor Kapshticë-Korçë, në afërsi të fshatit Zëmblak në autobusin tip “Setra”, me drejtues N.V. që u arrestua si edhe në autobus tip “Benz” në të cilin udhëtonte si pasagjer E.Sh. u gjetën dhe sekuestruan midhjet, ilaçet, veshjet dhe pajisje të ndryshme.

Doganieri akuzohet se ka shpërdoruar detyrën duke mos ushtruar kontroll në mjetin tip “Setra”, me drejtues N.V.  që u arrestua. Materialet në ngarkim të tyre i kaluan Prokurorisë pranë Gjykatës të Shkallës së Parë Korçë për veprat penale “Kontrabanda me mallra të ndaluara”, “Kontrabanda me mallra të licencuara”, “Tregtimi dhe transportimi i mallrave që janë kontrabandë”, “Kontrabanda me mallra të tjera” dhe “Shpërdorimi i detyrës”.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Partizani zyrtarizon emërimin e Skënder Gegës, zbulon detajet e kontratës së trajnerit: Rikthehet në shtëpi

Partizani zyrtarizon emërimin e Skënder Gegës, zbulon detajet e kontratës së trajnerit: Rikthehet në shtëpi

28 Mars, 17:46