Futsall, kombëtarja shqiptare
shpartallon Bullgarinë në shtëpi

Kombëtarja Shqiptare e Futbollit të Sallës shpartalloi me rezultatin e thellë 1-7 Bullgarinë në ndeshjen e vlefshme për fazën paraeliminatore të kampionatit Europian.
 
Ndeshja u zhbllokua në minutën e 13 nga Brahimi, ndërsa vetëm një minutë më pas Selmanaj dyfishoi shifrat.
 
Pjesa e dytë nisi me gol për Shqipërinë, ky protagonist ishte sërish Selmanaj. Stoikov në të 28 ngushtoi diferencën në 1-3, por vetëm për statistika, pasi kombëtarja shqiptare shënoi edhe 4 gola të tjerë në fund duke e shpartalluar.
 
Në ndeshjen tjetër të grupit Anglia fitoi 6-1 me Maltën, ndërsa sfida e së mërkurës me britanikët do të jetë vendimtare për Shqipërinë nëse do të kualifikohet.


dy.b/shqiptarja.com