/ATSH-DPA/ - Gjermania mund të presë mbi një milion refugjatë këtë vit, shkruan zëvendëskancelari gjerman, Sigmar Gabriel, në një letër drejtuar anëtarëve të Partisë Socialdemokrate.
Sipas parashikimeve të paradokohshme nga ana e Minstrisë së Brendshme gjermane, ky numër ishte rreth 800 000.
"Sipas të gjitha përllogaritjeve, ne nuk do të mund të presim 800 000 refugjatë, ashtu siç ishte parashikuar nga Ministria e Brendshme, por mbi një milion", shkruan Gabriel në faqen e internetit të partisë së tij, ku është edhe president.
Gjermania rivendosi sot kontrollin në kufijtë e saj për përballimin e fluksit të imigrantëve.