POP 5

Lajmet më të lexuara të 5 minutave të fundit

Sport

Galatasaray rikthehet në Champions, sonte 3 skuadrat e fundit që plotësojnë sezonin e ri! UEFA ndan vazot për shortin e së enjtes

Janë mësuar deri më tani 29 skuadrat e sezonit të ri të Champions League, ndërsa sonte formati do plotësohet me 3 të kualifikurat e fundit. UEFA ka ndarë edhe vazot, teksa në shortin e së enjtes priten disa grupe shumë të vështira.

Galatasaray është rikthyer në grupet e Champions League. Skuadra kampione e Turqisë fitoi edhe ndeshjen e kthimit me rezultatin 2-1 kundër Moldes, ndërsa norvegjezët eliminohen me rezultatin e përgjithshëm 5-3. Edhe njëherë ish-interisti Mauro Icardi udhëhoqi skuadrën nga Stambolli duke zhbllokuar me penallti, ndërsa Hestad për miqtë vetëm barazoi përkohësisht për miqtë. Ishte Angelino ai i cili në shtesë vulosi përfundimisht këtë përballje.

Ndërkohë një biletë mes 32 më të mirave të Europës preu edhe Braga, që eliminoi me rezultatin e përgjithshëm 1-3 Panathinaikos. Pas fitores 2-1 në Portugali, Braga rregjistroi mbrëmë një tjetër sukses 0-1 në Greqi. Skuadra tjetër e kualifikuar është Young Boys, falë fitores 3-0 në Zvicër kundër Macabi Haiffa-s, pasi ndeshja e parë në Izrael ishte mbyllur pa gola.

Sonte ndërkohë do të vulosen tre skuadrat e fundit që do të hyjnë në Champions. AEK-u pret në Athinë Antëerp-in me qëllim për të përmbysur humbjen 1-0 në ndeshjen e parë, Copenhagen-it i duhet të mbrojë fitoren 1-0 në Poloni kundër Rakoë, ndërsa PSV dhe Rangers e nisin nga fillimi në Holandë pas barazimit 2-2 në Skoci.

Të enjten ndërkohë, me 31 gusht në Monako, në orën 18:00, do të hidhet shorti për sezonin e ri, teksa UEFA ka ndarë edhe vazot. Në të parën bëjnë pjesë kampionët e 7 ligave më të forta në Europë, ndërsa e 8 është Sevillia kampione e Europa League. Në vazon e dytë ka skuadra shumë të forta si Real Madrid, Arsenal, Inter, Manchester United apo Dortmund. Në vazon e tretë dy skuadrat për t’u shmangur janë italianët Milan dhe Lazio, ndërsa në vazon e katërt frikëson Galatasaray.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57