POP 5

Lajmet më të lexuara të 5 minutave të fundit

Politikë

Zhvillohet debati i parë mes kandidatëve për kreun e PD-së/ Basha shmang komentin për ‘rivalin’: Unë do sjell model të ri! Hani i zhgënjyer: Duhet ballafaqim, jo teatër

Dy kandidatët në garë për kreun e PD zhvilluan në Elbasan ballafaqimin e parë mes demokratësh. Por ndërsa Lulzim Basha shmangu komentin për rivalin Gjergji Hani, ky i fundit u shfaq i zhgënjyer dhe shkroi se duhet ballafaqim real jo shfaqje teatri.  

Lulzim Basha dhe Gjergji Hani, dy rivalët për kreun e Partisë Demokratike zhvilluan debatin e parë mes tyre përpara demokratëve të vulës. Zgjodhën Elbasanin, në një takim që nuk u bë publik për mediat.  Ish kryedemokrati ndau fotografi nga takimi, por komentin për rivalin e shmangu.

‘Partia Demokratike do t’u ofrojë shqiptarëve një model që mishëron kulturën e re politike të ndërtuar mbi aktet dhe veprat e qendrestarëve, burrave dhe grave, të rinjve dhe të rejave që mbrojtën me vendosmëri vlerat dhe parimet që janë në themel të forcës sonë politike: Aleancë e qartë me partnerët strategjikë; Lufta pa kompromis ndaj korrupsionit; Për pastrimin e politikës, duke u dhënë fuqi qytetarëve të zgjedhin me votë përfaqësues me integritet.’- tha Lulzim Basha, kandidat për kryetar i PD-së.

Nga ballafaqimi i parë mes tyre, i vetmi që zbuloi detaje ishte Gjergji Hani, i cili përballjen e quajti përpjekje për teatër dhe jo debat real.

“U kërkoj organizatorëve dhe i bëj thirrje kandidatit rival të ecim në ballfaqimet e tjera me formatin klasik. Minutazh për prezantimin. Moderator i paanshëm, kohë e caktuar për pyetje nga salla dhe për pyetje ndaj njëri tjetrit. Çdo shpikje që e pengon ballafaqimin pengon garën.  Dje në Elbasan u përdor një format që e kthen ballafaqimin në shfaqe. Ne kemi nevojë për ballafaqim, jo për shfaqe teatri.”- u shpreh Gjergj Hani, kandidat për kryetar të PD.

Sipas vendimit të kryesisë së PD, dy kandidatët do të zhvillojnë të paktën 6 debate mes tyre, ndërsa zgjedhjet që do të mbahen më 29 korrik po shoqërohen me kritika se fituesi është paracaktuar dhe se Lulzim Basha po rikthehet përmes një procesi që nuk njihet as nga drejtuesit e lartë të PD zyrtare.

M.Q./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Berti: 07/07/2023 15:04

    Basha kujdeset per pamjen a thu se menyra si vishet dhe krihet do beje ndryshimun ne PD.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Anastas Janullatos që nuk keni njohur! Fakte SHOKUESE në Esencë-Report Tv

Anastas Janullatos që nuk keni njohur! Fakte SHOKUESE në Esencë-Report Tv

25 Dhjetor, 22:34 nga Eljan Tanini