Në vijim të procesit të zgjedhjeve për kryetarët e rinj në çdo njësi, kryetari i PS për Tiranën, Erion Veliaj, u ndal në Njësinë 8, për të ndjekur prezantimin e platformave të kandidatëve në garë, së bashku me Sekretarin e Përgjithshëm të PS, Damian Gjiknuri dhe deputetet Mimi Kodheli dhe Blerina Gjylameti.
Në fjalën e tij, Veliaj tha se Partia Socialiste beson te solidariteti dhe qëllimi i saj është të trajtojë çdokënd me dinjitet dhe respekt.
“Nëse forcat që kemi përballë vetëm copëtohen. Metafora e tyre është pjesëtimi, kurse metafora jonë është shumëzimi, rritja. Kjo është arsyeja pse vendimi i kryesisë për të pasur në të gjitha njësitë vendore, një kryetar dhe një bashkëkryetar, për të thënë se ne na duhen 27 kryetarë në Tiranë, 27 bashkëkryetarë, 27 drejtues të Forumit të Gruas, 27 drejtues të Forumit të Rinisë, 27 sekretarë për emigracionin, 27 sekretarë digjitalë, 27 sekretarë që merren me organizimin, 27 sekretarë zgjedhorë. Vetëm duke u shumëzuar, familja jonë jo vetëm bëhet më e madhe dhe më e fortë, por edhe më fituese dhe më gjithëpërfshirëse. Pala tjetër gëzohet se thonë e përzumë Lulin dhe të tijtë. Por, kur ishte Luli thoshin e përzumë Saliun me të tijtë. Kurse, familja jonë gëzohet kur ne shtohemi”, u shpreh Veliaj.
Ai theksoi se kur njerëzit votojnë për Partinë Socialiste, votojnë për ata që do drejtojnë qytetin, çerdhet, kopshtet, shkollat, parqet apo hapësirat publike.
“Ne nuk jemi nga ata që xhirojnë gomat. Ne jemi krejt tjetër, i marrim gjërat me durim, i bëjmë gjërat me plan, me disiplinë, me rregull dhe respekt. Njerëzit kanë kuriozitet kush do ta drejtojë Partinë Socialiste në Njësinë 8 sepse e dinë që është partia që do drejtojë vendin. Njerëzit nuk kanë kuriozitet kush do e djegë selinë e partisë tjetër apo kush do hedhë gaz lotsjellës, kush do vijë me vare, e kush do vijë me qysqi a shkopa bejsbolli. Një njeri që djeg shtëpinë e tij, nuk mund t’i rregullojë shtëpitë e njerëzve. Kur votohet për drejtuesit e Partisë Socialiste ka interes nga i gjithë vendi sepse është forca që drejton. Kurse ajo partia tjetër është komplet qesharake. Bëjnë garë burri me gruan, kush e hap qepenin e dyqanit, në varësi të posteve që kanë”, vijoi më tej ai.
“Në Njësinë 8, - tha Veliaj, - “kemi dy kontraste që duhet t’i bashkojmë: Zona e Frigoriferit dhe 5 Maji, deri te Pazari i Ri. Në lagjen “5 Maji” po krijohet një Tiranë krejt tjetër, që po i jep shpresë familjeve që ua prishi shtëpitë tërmeti; është një Tiranë solidare, që drejtohet nga Partia Socialiste me vizionin për t’i dhënë një mundësi të gjithëve - zaptues ose jo, që kanë ndërtuar në tokë të shtetit, buzë Lumit - në mënyrë që të lënë pallatet e Enverit apo shtëpitë ku jetojnë në kushte spartane te Bregu i Lumit, dhe të marrin një apartament dinjitoz, të ndërtuara nga Stefano Boeri. Sot me transformimin e jashtëzakonshëm te Bregu i Lumit mund të tregojmë se çfarë mund të bëjë Partia Socialiste”, përfundoi kreu i Bashkisë.
Veliaj tha se PS duhet të tregojë se në mandatin e 3-të do të punojë më fort se në të parin. Socialistët, tha ai, ndihen krenarë për gjithçka kanë transformuar në Tiranë dhe në Shqipëri.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11 -
Zgjedhjet 2025/ PS ndryshime të drejtuesve politikë në qarqe, Blendi Gonxhja ikën nga Dibra vjen në Kombinat! Emri kush pritet ta zëvendësojë
20 Nëntor, 18:17 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Përplasje te ‘Mandatet’/ Opozita kërkon heqjen e mandatit, Vullnet Sinaj: Shpifës, ke gëlltitur një lugë çorbë të prishur e do vjedhësh gjithë jetën! Bardhi: Ke futur duart në buxhet
20 Nëntor, 12:38 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Ngjela për Report Tv: Rama e ka të sigurt mandatin e katërt! PD s’ka vota pa ikur Berisha, është non grata
18 Nëntor, 21:09
