Tirane- 26 nga 274 kandidatët që janë në garë për shef të 48 komisariateve në të gjithë vendin, u intervistuan këtë të enjte nga Komisioni i Vlerësimeve të Aplikimeve.
Në rend alfabetik, konkurrentët hynë një e nga një në komision për të shpalosur strategjitë e tyre të drejtimit të komisariatit.
Në këtë ditë të parë intervistash bien në sy kandidatë të pothuajse të të gjithë policive në qarqe, por edhe nga Akademia e Sigurisë, siç është rasti i kryekomisarit Agim Basha, e deri tek punonjës policie që aktualisht shërbejnë në Policinë Kriminale, Antiterrori apo Standardet profesionale.
I vetmi, për shkak të renditjes alfabetike, nga komisariatet e Tiranës është Altin Lila, aktualisht në drejtimin e Komisariatit nr. 1. Po ashtu vetëm njëra nga 9 gra në garë, ish-zëdhënësja e Lezhës, Alda Prela, aktualisht me detyrë pranë kartotekës po në Lezhë.
Intervistimi i kandidatëve do të vijoj për 6 ditë me radhë, për shkak të numrit të lartë të tyre dhe pritet të përmbyllet të martën e 10 dhjetorit dhe pas kësaj faze nis pikëzimi nga më i miri deri te më i dobëti. Sipas ligjit, të gjithë që marrin vlerësim mbi 70 pikë mund të marrin emërim, çfarë do të thotë se jo domosdo 48 të parët automatikisht të jenë shefat e rinj të komisariateve.
Fillimisht në garë morën pjesë 290 punonjës policie, por pas përfundimit të fazës paraprake, u skualifikuan 16 prej tyre, për shkak të mungesës së dokumentacionit. Komisioni që po kryen vlerësimin kësaj here është tërësisht me gra të Policinë e Shtetit, Alma Përmeti, Anisa Duçkollari dhe Ervina Gjana.
Pas përfundimit të intervistës me gojë, komisioni i dërgon pikëzimin e kandidatëve kryepolicit Proda, i cili më pas bën edhe emërimet sipas përzgjedhjes së më të mirëve. Sikundër përzgjedhja e Drejtorit të Përgjithshëm të Policisë së Shtetit apo dhe ajo e drejtuesve të qarqeve e të departamenteve, edhe përzgjedhja për shefa komisariati bëhet për herë të parë me garë.
Komente
Lajme të tjera
-
112-Vjetori i Policisë së Shtetit, ceremoni në Berat dhe Lushnjë! Kurora në ‘Varrezat e Dëshmorëve’ dhe homazhe për policët e rënë
13 Janar, 16:17 -
112-Vjetori i Policisë së Shtetit, Proda dhe Hoxha vendosin kurora te Memoriali i efektivëve Dëshmorë: Mbrojtën jetën me jetë!
13 Janar, 15:30 -
112-vjetori i Policisë, ministri Hoxha: Në zgjedhjet e 11 majit qëndroni në lartësinë e duhur! Mesazh drejtuesve të rinj: Puna juaj s'do matet vetëm me urdhrat nga zyra
13 Janar, 11:39 -
Proda takim në Akademinë e Sigurisë, marrin pjesë Prokuroria e BKH: Lufta ndaj të keqes nuk mund të bëhet vetëm. Bashkëpunim për të goditur krimin
12 Janar, 15:17 -
Siguria në shkolla, ajo rrugore dhe kibernetike, Proda pret nxënësit në Policinë e Shtetit: Mundësi e artë për maturantët te Akademia e Sigurisë
10 Janar, 20:12 -
VKM/ Qeveria unifikon shpërblimet për Policinë e Shtetit, masa deri në 3 rroga! Tagrin e ka Proda, ja 8 kriteret se si përfitohet
9 Janar, 21:17 -
Kanabisi mjekësor, Qeveria përcakton kriteret e kultivimit: Parcela, me mure 4 metra të lartë e sinjale alarmi në polici! Serverat e kamerave monitoruese në BE
9 Janar, 20:45 -
Ekstradimi i Dritan Rexhepit, kryepolici Proda takon ambasadorin e Turqisë: Operacione dhe ekipe të përbashkëta hetimore!
9 Janar, 16:28 -
Virusi në rrjetin Whatsapp infekton përdoruesit me 'peshkim', mes tyre edhe uniforma blu! Policia: Mos i klikoni, por fshijini dhe raportojini te ne! (MESAZHET)
6 Janar, 22:28 -
Trafiku i çmendur në rrugën nga aeroporti, dhe një dyshim.....
6 Janar, 19:27
-
Arrestohet në Athinë i shumëkërkuari Jani Aliaj! U dënua me burg përjetë për vrasjen e Elton Çiços në ish-Bllok më 2016! Nëntë vite në arrati
3 Janar, 10:57 -
Ndërrimi i viteve, shefi i Rendit Publik për Report Tv: Prani të shtuar të efektivëve në sheshe, qendra tregtare dhe banka! Patrullim dhe në lokalet ku do të bëhen festime
31 Dhjetor 2024, 14:40
