X

POP 5

Lajmet më të lexuara të 5 minutave të fundit

Sport

Garat ndërkombëtare të FIA-s në Marsejë, 17-vjeçari Andri Gjoka: Nder të përfaqësoj Shqipërinë, dua të garoj në Formula 1

Katër pilotë shqiptarë do marrin pjesë në fund të muajit tetor në garat ndërkombëtare të automobilizmit në Francë që do organizohet nga federata ndërkombëtare FIA. Një prej tyre është 17-vjeçari Andri Gjoka, i cili për Report TV thotë se është një emocion shumë i veçantë, ndërsa ëndrra e tij mbetet për të garuar në Formula 1.

“Është hera e parë që përfaqësoj Shqipërinë dhe është emocion shumë i veçantë,”-thotë Andri Gjoka, pilot i garave me makina.

Nga datat 26-30 tetor në Marsejë të Francës do të organizohet nga Federata Ndërkombëtare e Automobilizmit garat e Motosportit në 18 disiplina. Shqipëria për herë të parë do përfaqësohet me katër pilotë një ndër të cilët është edhe Andri Gjoka, i cili garon në Esports.

“Jam 17 vjeç dhe e kam filluar karrierën që para 3 viteve. Motosportin e kam patur pasion që në moshën 5-vjeçare, duke ndjekur Formula 1. Në 2020 kam dalë kampion në Shqipëri në karting për U-16, ndërsa në 2021 kam marrë pjesë në një garë ndërkombëtare në Gjermani për karting elektrik,”-thotë ai.

Andri premton se do të shkojë në Francë jo vetëm si pjesmarrës, por për të nderuar flamurin shqiptar.

“Në këtë kompeticion është hera e parë që marr pjesë. Është kompeticion botëror ku do jenë nga shumë shtete dhe shumë disiplina. Jam duke bërë stërvitje dhe shpresoj të arrij rezultat sa më të mirë,”-deklaroi Andri, pilot.

Ëndrra e 17-vjeçarit është që një ditë të garojë në Formula 1 dhe për të rinjtë garat e Marsejës do jenë vitrina e përsosur për t’u spikatur nga menaxherët.

“Kjo është një vitrinë shumë e mirë që të spikasin dhe të kenë mundësi të identifikohen. Kështu mund të vazhdojnë më tutje në karrierën e tyre,”-u shpreh Eridon Lamerboshi, sekretar i Auto Club Albania.

Pilotët shqiptarë janë përzgjedhur nga Auto Club Albania, që synimin e saj ka të çojë sa më shumë sportistë në garat ndërkombëtare.

“Me pjesmarrjen e 150 shteteve dhe 18 disiplina të motosportit. Klubi i automobilit ka zgjedhur pillotët që do marrin pjesë atje në 3 disiplina, ndërsa në 2019 shkuam në Itali në vetëm 1 disiplinë që ishte karting slalom,”-tha Eridon Lamerboshi, sekretar i ACA.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

Meta në 'sulm', Milaim Zeka në 'Frontline': Arrestimet e mëdha bëhen fundjavave! Nuk mund askush të fitojë luftën ndaj Amerikës

25 Prill, 22:50