Gati i projektligji për regjistrin kombëtar për të dënuarit për krime seksuale në e-Albania! Felaj: Policia do identifikojë autorët në vend

Qeveria ka gati një projektligj për krijimin e regjistrit kombëtar të dënuar për krime seksuale. Nisma e propozuar nga deputetja e LSI-së, Erisa Xhixho si mekanizëm ligjor që mbron fëmijët dhe gratë nga dhuna dhe sulmet seksuale.

Nisma u përmend sot në Komisionin e Çështjeve sociale nga Ermonela Felaj ku u shpreh se do të hidhet për votim ditën e enjte.

Felaj theksoi se kjo është hera e parë që të dhënat për personat e dënuar do të mblidhen në rang kombëtar.

“Unë do të tërhiqja vëmendjen për disa pika të rëndësishme. Është e para herë që mundësojmë që të dhënat për personat e dënuar në vite për kryejnë e krimeve seksuale kemi vendosur të mblidhen në rang kombëtar. Përmes kësaj të dhëne na jep mundësinë të dimë shpërndarjen e këtyre personave. Nuk ka rëndësi fakti nëse janë rehabilituar apo jo. Qëllimi është ai që edhe gjykatat europiane e kanë konsideruar të rëndësishëm”, tha Felaj.

Puna do të nisë sipas Felaj duke e mbledhur të dhëna dhe duke i përditësuar gjë që do të ketë një ndërveprim me databazën e drejtorisë së burgjeve. Këto të dhëna do të ndihmojnë në identifikimin e personave në vend.

“Puna fillon në momentin kur e mbledhim këtë të dhënë dhe e përditësojmë. Statusi që ky person paraqet do ta pasurojë informacionin për personin që komisariatet të kenë informacion për këtë kategori personash.  Policia e shtetit do të ketë një ndërveprim në databazën e drejtorisë së burgjeve ku do të shkarkojë të dhënat për personat e dënuar dhe këto të dhëna do i plotësojë me disa rekuizita të tjera. Bëhet fjalë për të dhëna nga sistemi i gjendjes civile dhe i gjithë ky informacion shoqëruar edhe me të dhëna të tjera telefonit, apo edhe lejes së drejtimit do i shërbejnë policisë për ta idenitifikuar personin në vend”, u shpreh ajo.

Sipas Felajt fillimisht është parashikuar që akses të këtij informacioni do të jetë departamenti i administratës publike apo edhe zyrat arsimore në mënyrë që të kryejnë verifikimet e duhura para se të punësojnë dikë.

“Nga propozuesit janë propozuar që aksesues të këtij informacioni të jetë departamenti i administratës publike, zyrat arsimore. Ajo që unë kam menduar personalisht është që unë mendoj që akses duhet të kenë të gjithë. Çdo prind duhet të ketë akses.- tha Felaj. 

Kujtojmë se Deputetja e LSI-së, Erisa Xhixho  depozitoi në Kuvend vitin e kaluar projekt-ligjin për krijimin e Regjistrit të krimeve seksuale. Xhixho shkroi se ky regjistër ka si qëllim krijimin e një mekanizmi ligjor që mbron fëmijët dhe gratë nga dhuna dhe sulmet seksuale duke identifikuar vendndodhjen e të dënuarave për krime seksuale dhe monitorimin i aktivitetit të tyre.

Deputetja tha aso kohe se ky projektligj u nxit edhe nga ngjarjet e rëndë të dhunës që kanë ndodhur ndaj fëmijëve. Deputetja e LSI shkruan se krijimin e Regjistrit Kombëtar për të Dënuarit për Krime Seksuale do jetë instrument i shtetit shqiptar për të luftuar dhe parandaluar krimet seksuale.

Projektligji i dorëzuar nga LSI vitin e kaluar

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete