Gati kësti 6 për ish-të përndjekurit
ja dokumentat për dëmshpërblimin

Nis pagesa e këstit të gjashtë, nga tetë gjithësej, për dëmshpërblimin e ish-të përndjekurve të regjimit komunist. Ministria e Financave njoftoi zyrtarisht se, në zbatim të ligjit nr.9831, datë 12.11.2007, “Për dëmshpërblimin e ish-të dënuarve politikë të regjimit komunist”, të ndryshuar, si dhe Vendimit të Këshillit të Ministrave nr. 419, datë 14.04.2011, “Për miratimin e afateve dhe të skemës së shpërndarjes së fondeve të dëmshpërblimit për ish-të dënuarit politikë të regjimit komunist”, të ndryshuar, ka filluar procedurën e pagesës së këstit të gjashtë për kategorinë e subjekteve përfituese parësore. Kjo është bërë e mundur me Urdhër ministri nr. 70, datë 17.06.2016.