Një prej emrave që është duke u përfolur më shumë te skuadra angleze është ai i Mauro Icardit, për të cilin janë gati t’i bëjnë italianëve të enterit një ofertë të çmendur.
Sipas britanikes “The Sun” që ka publikuar këtë lajm, Chelsea ka përgatitur 113 milionë euro për kartonin e sulmuesit argjentinas, shifër kjo që do të përbënte rekord për merkaton futbollistike të kampionatit anglez.
Conte ka bërë kërkesën te drejtuesit e klubit për të përforcuar skuadrën, në mënyrë që londinezët të fitojnë të tjerë trofe, duke e konsideruar Icardin si zgjidhje të problemeve të tij.
Ende nuk është e qartë nëse edhe sulmuesi argjentinas do të pranojë një ofertë për tu bërë pjesë e Premier League.
Icardi në këtë sezon është ndër më të mirët në Serie A dhe deri tani ka shënuar 11 gola, duke u renditur në vendin e tretë të klasifikimit të golashënuesve të kampionatit italian.
Redaksia Online
D.T/Shqitparja.com