Receta

Gatime nga zonja Albana, Biskota aromatike me krem djathi dhe perime

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 8 Shkurt 2022, 11:19 | Përditesimi: 8 Shkurt 2022, 11:20

Biskota aromatike me krem djathi dhe perime

Përbërësit:

200 gr bukë të thërrmuar

LEXO EDHE:
Pulë e mbushur nga zonja Albana

100 gr gjalpë

500 gr salcë kosi

150 gr gjizë

10 gr xhelatinë

1 kokërr portokall

2 kunguj

2 karrota

1/2 tufë majdanoz

Borzilok

Kripë, piper

Përgatitja:

Fillimisht përgatisim bazën me biskotë. Vendosim galetën në mikser sa të bëhet gati si miell. E përziejmë më pas me gjalpin e shkrirë, lëngun e portokallit, borzilokun, kripën dhe piperin.

Përgatisim kremin e djathit duke trazuar salcën e kosit me gjizën. E punojmë mirë derisa të krijohet një masë homogjene dhe shtojmë xhelatinën.

Lyejmë një tavë me pak gjalpë dhe vendosim një shtresë me biskotën me bukë të thërrmuar. Sipër shtojmë masën e kremit, e nivelojmë mire me një spatul dhe e vendosim në frigorifer për 10 minuta.

Ndërkohë perimet i presim hollë në fije të gjata dhe i kaurdisim me pak gjalpë. I spërkasim në fund me kripë dhe piper të zi dhe i vendosim sipër kremit të djathit.

MC/Shqiptarja.com

TAG: