Receta

Gatime nga zonja Albana, Byreçka tigani me jeshillëqe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 31 Janar 2022, 11:56 | Përditesimi: 31 Janar 2022, 11:57

Byreçka tigani me jeshillëqe

Përbërësit:

Petë byreku

LEXO EDHE:
Pulë me oriz në furrë nga zonja Albana

50 ml vaj ulliri

3-4 qepë të njoma

1/2 tufë dhjozëm

1/2 tufë kopër

400 gr djathë i bardhë

500 gr jeshillëqe

Pak spec djegës

Pak miell misri

Lëngu i 1 limoni

Kripë, piper

Përgatitja:

Jeshillëqet i presim, i marinojmë për 10-15 minuta derisa të lëshojnë lëngjet. I punojmë me duar, shtojmë pak miell misri ose bukë të thërrmuar.

Presim qepët e njoma, koperën, dhjozëm dhe rigon të freskët. I bashkojmë me jeshillëqet duke shtuar pak fara speci djegës, miell misri, vaj ulliri dhe djathë të bardhë.

Marrim petën e byrekut, shtrojmë për së gjati mbushjen, tek cepat e lemë bosh. E mbështjellim role dhe e vendosim në formë kërmilli. Mbushja duhet të jetë e njëjtë.

Marrim shkopinjtë për shishqebap, i vendosim në dy anë që mos të hapet. Vendosim një tigan me vaj të bollshëm dhe skuqim byreçkat për 4 minuta nga njëra anë dhe 3 nga ana tjetër.

MC/Shqiptarja.com

TAG: