Receta

Gatime nga zonja Albana, Byrek me patellxhane dhe djathe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 18 Janar 2022, 10:54 | Përditesimi: 18 Janar 2022, 10:55

Byrek me patellxhane dhe djathe

Përbërësit:

1 pako petë të gatshme

LEXO EDHE:
Bakllava me kadaif dhe arra nga zonja Albana

4-5 patëllxhanë

1 spec jeshil

1 spec i kuq

2 qepë mesatare

1 kokërr domate

1 tufë majdanoz

4-5 lugë vaj ulliri

1 limon (lëngu)

2 kokrra vezë

200 gr djathë

Kripë, piper i zi

Përgatitja:

Fillimisht pastrojmë patëllxhanët nga lëkura dhe i kalojmë në rende. Më pas i vendosim patëllxhanët e grirë në një tas spërkatur me pak kripë dhe lëng limoni dhe i lëmë që të lëshojnë lëngun e tyre përreth 30 minuta.

Ndërkohë në një tigan me bazë të gjerë kaurdisim qepët e grira me vaj ulliri, sapo qepa të bëhet transparente shtojmë specat e grira dhe i kaurdisim bashkë për 2 minuta. Më pas shtojmë gjysmë gote me ujë të ngrohtë dhe i lëme të zjejnë për 3-4 minuta sa të zbuten. Shtojmë më pas domaten e grirë në rende dhe pak vaj ulliri dhe e lemë salcën dhe për 5 minuta të tjera në zjarr. Vendosim patëllxhanët në një kullesë për të larguar lëngun që kanë lëshuar dhe më pas i shtojmë tek salca e përgatitur. Rregullojmë shijen me kripë dhe piper dhe e lemë mbushjen e byrekut të gatuhet për 7-8 minuta në zjarr mesatar duke e trazuar herë pas here. Në fund fare shtojmë majdanozin e grirë hollë, e largojmë tiganin nga zjarri dhe e lemë të ftohet plotësisht.

Pasi masa e përgatitur për mbushjen e byrekut të jetë ftohur, shtojmë vezët e rrahura mirë bashkë me djathin e thërrmuar.

Lyejmë një tepsi mirë me vaj ulliri dhe shtrojmë tre petat e para duke u hedhur secilës nga pak vaj ulliri. Më pas shtrojmë pjesën e parë të mbushjes. Vijojmë me shtrimin e dy petave të tjera, mbushje, petë, mbushje, petë. E vendosim byrekun të piqet në furrë në temperaturën 180 gradë për 25-30 minuta.

MC/Shqiptarja.com

TAG: