Receta

Gatime nga zonja Albana, Çervish tradicional me mish pule/ Mollë të skuqura si petulla

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 1 Nëntor 2021, 10:12 | Përditesimi: 1 Nëntor 2021, 10:13

ÇERVISH TRADICIONAL ME MISH PULE (Receta e vjetër e gjysheve me super shije)

4-5 kofsha pule

LEXO EDHE:
Kilat e Qeparoit, super petulla nga zonja Albana

6-7 lgj miell

2 lgj kos

1 lugë e mesme vegetë

1 lugë e mesme piper i kuq

3 thelpinj hudhër

Lëng pule

Kripë

Skuqim miellin në një tigan me lugë druri derisa të marrë një ngjyrë të errët dhe të shkëputet nga tigani. Shtojmë vegetën dhe piper të kuq, i përziejmë mirë dhe më pas shtojmë lëngun e pulës, të cilin e marrim pasi ziejmë kofshët me pak kripë. Vazhdojmë trazimin duke shtuar herë pas here lëng pule. Në fund, pasi masa të bëhet kremoze shtojmë përsëri pak piper të kuq.

Çervishin e përgatitur e hedhim në një tavë, vendosim kofshat e pulës. Trazojmë pak vaj me piper të kuq dhe e hedhim mbi kofshat e pulës. Vendosim tavën në furrë të parangrohur në temperaturën 180 gradë Celsius për 15-20 minuta.

MOLLË TË SKUQURA SI PETULLA

Pwrbwrwsit:

2 mollë jeshile

2 lgj miell

5 lgj ujë

1 majë luge pluhur pjekës

1 vezë

1/2 lç kanellë

Vaj për skuqje

Mjaltë

Pwrgatitja:

Presim mollët në feta të rrumbullakëta. Përziejmë mirë në një tas miellin me ujë, vezë, fryrës dhe kanellë. Lyejmë fetat e mollëve dhe i zhysim një e nga një në vaj shumë të nxehtë. I vendosim më pas në letër kuzhine për të përthithur vajin dhe i servirim duke i shtuar sipër mjaltë.

MC/Shqiptarja.com

TAG: