Receta

Gatime nga zonja Albana, Keku më i mirë me mandarina

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 16 Nëntor 2021, 11:01 | Përditesimi: 16 Nëntor 2021, 11:33

ËMBËLSIRA MË E MIRË ME MANDARINA

Përbërësit:

9 mandarina

LEXO EDHE:
Fërgesë me speca, gjizë dhe domate nga zonja Albana

2 vezë

100 gr sheqer

1 majë luge kripë

150 ml vaj luledielli

160 ml ujë

220 gr miell 00

15 gr fryrës

Lëkurë mandarine

Sheqer pluhur për servirje

Përgatitja:

Fillimisht ndajmë 8 mandarina përgjysmë.

Shtrojmë një letër pjekje në tavë dhe e ngjisim mirë. E spërkasim letrën me miell sikurse dhe anët që të mos ngjitet mbushja. Vendosim mandarinat rradhë-rradhë.

Në mikser vendosim një mandarinë të prerë në feta dhe 2 kokrra vezë. E kalojmë më pas masën në kullesë ku shtojmë sheqerin dhe e rrahim me telin e vezëve. Gradualisht shtojmë vajin duke vazhduar trazimin pa ndërprerje. Më pas shtojmë ujin dhe gradualisht miellin. E punojmë mirë brumin e ëmbëlsirës që të mos ketë kokrriza dhe të jetë homogjen. Në rende grijmë lëkurën e një mandarine e shtojmë tek masa e përgatitur, e trazojmë dhe më pas të gjithë këtë masë e hedhim në tavë mbi mandarinat. E nivelojmë mirë dhe e vendosim në furrë të parangrohur në temperaturën 180 gradë Celsius për 40 minuta.

Shënim: Për gramaturat e dhëna, tava duhet të jetë në përmasat 20x20.

MC/Shqiptarja.com

TAG: