Receta

Gatime nga zonja Albana,Ëmbëlsirë me petë me aromë portokalli

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 19 Janar 2022, 10:19 | Përditesimi: 19 Janar 2022, 15:21

Embëlsirë me petë me aromë portokalli

Përbërësit

1 pako peta

LEXO EDHE:
Bakllava me kadaif dhe arra nga zonja Albana

4 vezë

120 gr sheqer

350 gr kos

250 ml vaj

3-4 copë lëkurë portokalli

pluhur pjekje

sheqer vanilje

Për sherbetin:

400 gr sheqer

200 ml lëng portokalli

600 ml ujë, kanellë

1 portokall për dekor

Përgatitja:

Fillimisht thërrmojmë petët në copëza të vogla dhe i vendosim në një tavë të thahen. Ndërkohë rrahim vezët me sheqerin për rreth 5 minuta derisa sheqeri të tretet. Shtojmë më pas vajin, kosin, lëkurën e portokallit dhe pluhurin pjekës. E trazojmë mirë dhe masën e përgatitur e hedhim mbi petët e copëzuara. E përziejmë me kujdes dhe e vendosim tavën në furrë të parangrohur për 40-45 minuta. Pasi piqet e shpojmë vende-vende me majën e një thike ose piruni dhe e lemë të ftohet plotësisht.

Ndërkohë përgatisim sherbetin. Vendosim ujin, lëngun e portokallit dhe sheqerin të ziejnë. Sapo sherbeti të fillojë të marrë valë shtojmë 1 shkop kanelle dhe disa feta portokalli. E lemë sherbetin në zjarr për rreth 15 minuta dhe më pas sherbetosim ëmbëlsirën.

MC/J.GJ./Shqiptarja.com

TAG: