Receta

Gatime nga zonja Albana, Gjyveçi dibran me mish dhe perime në tavë dheu

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 19 Nëntor 2021, 11:12 | Përditesimi: 19 Nëntor 2021, 11:13

Gjyveçi dibran me mish dhe perime në tavë dheu

Përbërësit:

1 kg mish viçi ose dashi

LEXO EDHE:
Pulë me oriz në furrë nga zonja Albana

1 kg qepë

4 domate

250 gr bishtaja

250 gr bamje

4 speca të verdhë

1 spec i kuq djegës

1 patate

2 patëllxhanë

1 filxhan çaji oriz

2-3 lgj vaj ose 1 lgj gjalpë

1 tufë majdanoz

Kripë, piper i zi, piper i kuq

Përgatitja:

Presim qepët në rripa i kriposim dhe i spërkasim me piper të zi dhe piper të kuq. Më pas i shtypim me duar, i mbulojmë me një pecetë dhe i lemë 30 minuta të marinohen.

Ndërkohë mishin e përvlojmë, e kullojmë dhe më pas e presim në copa. Orizin pasi e kemi shpëlarë e vendosim të ziejë në ujë me kripë për rreth 10 minuta. Pataten, domatet dhe patëllxhanët i presim në kubikë të vegjël, gjithashtu dhe perimet e tjera i presim.

Të gjithë përbërësit i vendosim në një tavë dheu dhe i përziejmë mirë. Shtojmë kripë, piper, erëza dhe pak ujë si dhe disa copëza gjalpë. Në fund hapim një petë të vogël brumi (të përgatitur me miell dhe ujë) dhe e vendosim lartë përbërësve. E vendosim tavën në furrë të parangrohur në temperaturë mesatare dhe e lemë të piqet ngadalë.