Receta

Gatime nga zonja Albana, Kadaif me arra dhe qumësht të kondensuar

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 20 Dhjetor 2021, 12:11

Kadaif me arra dhe qumësht të kondensuar

Përbërësit:

250 gr kadaif

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

100 gr gjalpë

100 gr arra të thërrmuara

500 ml qumësht
1 bustinë vanilje

200 gr sheqer

100 gr qumësht i kondensuar

Përgatitja:

Hapim kadaifin në tryezën e punës dhe vendosim një shtresë me arra të thërrmuara. E mbledhim më pas kadaifin role dhe e vendosim në një tavë ku e spërkasim mirë me gjalpë të tretur. E vendosim kadaifin të piqet në furrë për 1 orë në temperaturën 160-170 gradë derisa të thahet plotësisht e të marrë ngjyrë të artë.

Pasi kadaifi të jetë pjekur e lemë të ftohet plotësisht. Ndërkohë ngrohim qumështin, shtojmë vaniljen dhe sheqerin duke e trazuar që sheqeri të tretet plotësisht. E lemë qumështin të ftohet pak dhe më pas e hedhim mbi kadaifin e pjekur.

Pasi kadaifi të përthithë të gjithë qumështin shtojmë qumështin e kondensuar.