Receta

Gatime nga zonja Albana, Kadaif me krem

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 14 Tetor 2021, 10:14 | Përditesimi: 14 Tetor 2021, 10:16

KADAIF ME KREM

Përbërërsit:

500 gr kadaif

LEXO EDHE:
Lakër turshi me kimë në furrë nga zonja Albana

150 gr gjalpë

1 litër qumësht

2 vezë

150 gr sheqer

150 gr miell

150 gr niseshte

Vanilje lëng

250 gr pana për ëmbëlsira

Përgatitja:

Fillimisht kemi vendosur gjalpin të tretet dhe më pas e përziejmë me kadaifin. E vendosim kadaifin të piqet në furrë (gjithmonë furra duhet të jetë e parangrohur) në temperaturën 160 gradë për 35-40 minuta, sa të marrë sipërfaqja një ngjyrë të kuqerremtë.

Vezët, sheqerin, vaniljen, niseshten, miellin i përziejmë në një enë ku kemi vendosur qumështin. E përziejmë mirë me tel kuzhine derisa të trashet. E heqim nga zjarri dhe e lemë të ftohet plotësisht.

Rrahim më pas panën dhe e bashkojmë me kremin e përgatitur. E trazojmë mirë që të bëhet një masë e njëtrajtshme. Kremin mund t’a shtojmë sipër kadaifit ose kadaifin mund t’a hapim si fole. E zbukurojmë me fruta pylli ose me fruta të tjera të karamelizuara.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com