Receta

Gatime nga zonja Albana, Plëndës në tavë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 8 Shkurt 2022, 11:22 | Përditesimi: 8 Shkurt 2022, 11:23

Plëndës në tavë

Përbërësit:

1 kg plëndës i pastruar

LEXO EDHE:
Bakllava me kadaif dhe arra nga zonja Albana

4-5 lgj vaj ulliri

1 qepë mesatare

1 lugë kafeje miell

2 domate ose 1 lgj salcë domate

3-4 thelpinj hudhër

2 lgj uthull

Kripë, piper i zi, piper i kuq

Përgatitja:

Plëndësin e pastruar e vendosim fillimisht të ziejë mirë. Më pas e presim në rripa të hollë.

Kaurdisim qepën e grirë imët spërkatur me pak kripë. Sapo qepa të bëhet transparente shtojmë domatet e grira në rende ose salcën e domates, pak lëng nga zierja e plëndësit, uthullën dhe hudhrat e shtypura. E trazojmë mirë dhe më pas vendosim plëndësin. E lemë gatimin të marrë valë për rreth 5 minuta. Rregullojmë shijen me kripë, piper të zi dhe piper të kuq dhe të gjithë masën e kalojmë në një tavë. E vendosim tavën në furrë të parangrohur në temperaturën 180 gradë Celsius. Sipas dëshirës nëse e duam gatimin pak më të plotë gjatë kaurdisjes së qepës mund të shtojmë dhe pak miell.

MC/Shqiptarja.com

TAG: