Receta

Gatime nga zonja Albana, Supa tradiconale me roshnica dhe mish pule

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 23 Nëntor 2021, 10:20 | Përditesimi: 23 Nëntor 2021, 10:21

Supa tradionale me roshnica dhe mish pule

Përbërësit

1 pulë ose zog fshati

LEXO EDHE:
Bakllava me kadaif dhe arra nga zonja Albana

4 lgj vaj ulliri

3-4 thelpinj hudhër

1 lgj gjalpë

Lëngu i 1 limoni

Kripë, piper i zi

Për përgatitjen e roshnicave:

6 lugë gjelle miell

2 të verdha vezësh

Kripë

Përgatitja:

Fillimisht përgatisim roshnicat. Hedhim në një tas gjashtë lugë miell dhe pak kripë.

Rrahim dy të verdha vezësh dhe i shtojmë tek mielli. E përziejmë miellin me vezët duke e shkoqur me dy pëllëmbët e duarve derisa mielli të shndërrohet në kokrriza të vogla. Më pas, roshnicat e përgatitura i vendosim në një tavë që të pushojnë për 20 minuta.

Pulën pasi e pastrojmë e ndajmë në copa. Në një tenxhere vendosim vajin e ullirit dhe kaurdisim për pak minuta copat e pulës nga të dyja anët. Hedhim më pas, pak kripë dhe ujë derisa të mbulohen mirë të gjitha pjesët e pulës dhe i lemë të zjejnë për 20 minuta.

Sa mishi i pulës të ziejë skuqim roshnicat me një lugë gjalpë derisa të zverdhen.

I shtojmë në tenxheren ku keni pulën me lëngun e saj dhe i lemë në zjarr të ulët të ziejnë bashkë derisa supa të mpikset. Sapo lëngu të jetë mpiksur dhe trashur pak shtojmë hudhrat, lëngun e limonit, piperin e zi dhe e largojme nga zjarri. E lemë pak minuta të ajkoset dhe më pas e servirim të ngrohtë.

MC/Shqiptarja.com

TAG: