Receta

Gatime nga zonja Albana, Supa trahana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 2 Nëntor 2021, 10:43 | Përditesimi: 2 Nëntor 2021, 10:44

SUPA TRAHANA

Përbërësit:

1 qepë e madhe

LEXO EDHE:
Pulë e mbushur nga zonja Albana

200 gr domate

30 gr gjalpë

1 litër lëng mishi

½ lugë kafeje rozmarinë

150 gr trahana

1 tufëz majdanoz

Kripë, piper i freskët

100 gr djathë kaçkavall i grirë

Përgatitja:

Pastrojmë qepën dhe e presim në kubikë të vegjël. Gjithashtu dhe domatet i presim në kubikë pasi i kemi hequr lëkurën.

Kaurdisim fillimisht qepën në një tigan me gjalpë. Shtojmë më pas domatet dhe vazhdojmë kaurdisjen bashkë me qepën. Pas 3-4 minutave shtojmë lëngun e mishit dhe sapo lëngu të fillojë të marrë valë shtojmë trahananë. Vendosim kapakun dhe e lemë supën të marrë valë për 20 minuta në temperaturë të ulët.

Në fund e spërkasim supën trahana me majdanoz, piper dhe djathë kaçkavall të grirë në rende.