Receta

Gatime nga zonja Albana, Supë krem me pulë dhe hudhra

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 10 Dhjetor 2021, 11:33 | Përditesimi: 10 Dhjetor 2021, 12:27

SUPË KREM ME PULË DHE HUDHRA

Përbërësit

300 gr mish pule

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

2 lgj vaj ulliri

1 lgj gjalpë

4 thelpinj hudhër

2 lgj miell

2 fç qumësht

3 fç lëng pule

Kripë, piper i zi

Bukë e thekur për servirje

Përgatitja

Fillimisht vendosim mishin e pulës të ziejë në ujë me kripë për rreth 30 minuta. Më pas kullojmë lëngun dhe mishin e pulës e presim në copëza të vogla.

Hudhrat i grijmë imët dhe i kaurdisim me pak vaj ulliri dhe gjalpë. Shtojmë miellin dhe e kaurdisim duke e trazuar vazhdimisht në mënyrë që mielli të mos kokrrizohet. Pasi mielli ndryshon pak ngjyrë shtojmë qumështin dhe e trazojmë siç veprojmë me beshamelin. Shtojmë më pas mishin e pulës së bashku me lëngun dhe e lemë supën të ziejë për pak minuta. Rregullojmë shijen me kripë dhe piper dhe e servirim supën të ngrohtë me kubikë buke të thekur me pak gjalpë.

MC/Shqiptarja.com

TAG: