Receta

Gatime nga zonja Albana, Tespishte me arra

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 17 Shkurt 2022, 11:01 | Përditesimi: 17 Shkurt 2022, 11:10

Tespishte me arra

Përbërësit:

250 gr gjalpë

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

100 gr sheqer

200 ml qumësht

200 ml vaj

700 gr miell

1 lugë kafeje sodë

2-3 kokrra vezë

100 gr arra

Për sherbetin:

600 gr sheqer

800 ml ujë

1 lugë kafeje vanilje

1 fetë limoni

Përgatitja:

Vendosim një tenxhere në zjarr ku hedhim gjalpin dhe sheqerin. E përziejmë mirë derisa sheqeri të karamelizohet dhe më pas e largojmë nga zjarri dhe e lëmë të ftohet për disa minuta. Në tenxhere shtojmë qumështin dhe e vendosim sërish në zjarr. Më pas shtojmë miellin (tek mielli kemi hedhur pak sodë buke) gradualisht dhe e përziejmë mirë masën me lugë druri derisa masa të trashet dhe të shkëputet nga anët e tenxheres.

Pasi masa të jetë trashur mjaftueshëm e heqim nga zjarri dhe shtojmë vezët një e nga një, duke mos ndërprerë procesin e përzierjes. Brumin e realizuar e spërkasim me pak miell dhe e punojmë me duar derisa të krijohet një masë kompakte.

Lyejmë një tavë me gjalpë dhe vendosim brumin e përgatitur duke e niveluar mirë me një spatul kuzhine. E spërkasim në fund sipërfaqen me pak kokrriza sheqeri. E presim në forma sipas dëshirës dhe sipër çdo forme vendosim arra të thërrmuara. E vendosim ëmbëlsirën të piqet në furrë të parangrohur në temperaturën 180 gradë Celsius për 40 minuta. Pasi ëmbëlsira të piqet e lemë të ftohet.

Ndërkohë përgatisim sherbetin duke hedhur në një tenxhere sheqerin, ujin, vaniljen dhe 1 fetë limoni. I lëmë të vlojnë derisa sherbeti të fillojë të trashet. Pasi ëmbëlsira të jetë ftohur sipër hedhim sherbetin e nxehtë.

MC/Shqiptarja.com

TAG: