Qyteti i Khan Younisit në jug të Rripit të Gazës priti të martën një dasmë masive për 54 çifte në një cermoni të mbështetur nga Abu Dhabi si pjesë e ngjarjeve që shënuan Ditën e 54-të të Bashkimit të Emirateve të Bashkuara Arabe.

Ceremonia, e mbajtur në rrënojat e ndërtesave të shkatërruara në zonën rezidenciale Hamad, u organizua në kuadër të operacionit humanitar "Gallant Knight 3".

Një skenë dasme e quajtur "Thawb al-Farah" (Veshje gëzimi) kishte si simbol kryesor vazhdimin e jetës pavarësisht shkatërrimit nga gjenocidi i Izraelit. Flamujt, lulet dhe këngët tradicionale palestineze mbushën vendin ndërsa familjet dhe udhëheqësit e komunitetit u mblodhën për të parë të porsamartuarit.

Organizatorët thanë se çiftet u zgjodhën përmes një lotarie që përfshinte afërsisht 2.651 aplikantë nga i gjithë Rripi i Gazës.

Pavarësisht armëpushimit që hyri në fuqi më 10 tetor, Izraeli vazhdon të shkelë marrëveshjen dhe të shënjestrojë palestinezët jashtë zonave të caktuara të tërheqjes, duke shkaktuar të vrarë dhe të plagosur.

Që nga tetori i vitit 2023, ushtria izraelite ka vrarë më shumë se 70 mijë palestinezë në Rripin e Gazës, kryesisht gra dhe fëmijë dhe ka plagosur mbi 171 mijë të tjerë në sulmet brutale që e lanë enklavën në rrënoja.