Drejtorja e gazetës së përditshme dhe më të re në tregun mediatik Shqiptarja.com, Anila Basha, hap një debat rreth lindjes së gazetës në një nga forumet më të frekuentuara nga shqiptarët në botë “Peshku pa ujë”.
Ashtu si shumë argumente të tjera, të cilat kalohen “në sitë” nga komentatorët e shumtë të "Peshku pa ujë", edhe në bashkëbisedimin me Anila Bashën, është krijuar një shkëmbim kritik dhe modern mendimesh, rreth konceptit të informacionit aktual në Shqipëri.
Pyetjet janë nga më të ndryshmet dhe të drejtpërdrejtat. duke filluar që nga interesi për pronësinë e grupit mediatik, në linjën editoriale të tij, në pavarësinë dhe profesionalizmin që përçon te lexuesi si gazeta Shqiptarja.com ashtu dhe faqja në internet.