POP 5

Lajmet më të lexuara të 5 minutave të fundit

Media

Gazetari në provë, shantazh
policit kufitar për 3000 euro

Një 50 vjeçar, i cili punonte prej dy muajsh punonte si gazetar në provë është vënë në pranga pasi akuzohet se i ka bërë presion një punonjësi të policisë kufitare të Kakavijës. Policia: U kap duke i marrë paratë policit.
TIRANE- Një 50 vjeçar, i cili punonte prej dy muajsh punonte si gazetar në provë në Agejncinë Telegrafike Shqiptare është vënë në pranga pasi akuzohet se i ka bërë presion një punonjësi të policisë kufitare të Kakavijës. Sipas policisë gazetari 50 vjeçar Begtash Zeneli kërcënonte  policin se do të publikonte një video ku, sipas tij komprometonte punën e tij, nëse ky i fundit nuk do t’i jepte 3000 mijë euro.

ARRESTIMI
Policia e Gjirokastrës informon se arrestimi i gazetarit është bërë në flagrancë pasditen e djeshme, (07.01.2013) rreth orës 17:00 nga ana e Specialistëve të Sektorit Kundër Krimit Finaciar në Drejtorinë e Policisë së Qarkut Gjirokastër.  "Begtash Zeneli, 50 vjeç lindur dhe banues në Krujë ishte me profesion gazetar pranë Agjensisë Telegrafike Shqiptare"- informonte policia e Gjirokastrës. Arrestimi i tij është bërë në momentin e shkëmbimit të lekëve në një lokal afër Zogut Zi në Tiranë nga punonjësi i policisë tek gazetari.

“Ky shtetas me detyrë gazetar pranë A.T.SH, ushtronte presion tek një punonjës policie i Drejtorisë Rajonale për Kufirin dhe Migracionin Gjirokastër që kryen shërbim në Pikën e Kalimit të Kontrollit Kufitar Kakavije , duke i kërkuar 3000 Euro , për të mos dhënë në media një filmin që sipas gazetarit ja kishte bërë në Kakavije para Krishtlindjeve punonjësit të policisë “- thuhet në njoftimin për shtyp të policisë së Gjirokastrës.

SEKUESTROHEN PROVAT
Në cilësinë e provës materiale u sekuestrua shuma e Eurove si dhe dy aparate celulari që gazetari kishte përdorur për t'i bërë presion punonjësit të Policisë .


Në operacion morën pjesë specialistët e Sektorit Kundër Krimit Financiar në Drejtorinë e Policisë së Qarkut Gjirokastër në bashkëpunim të ngushtë me Prokurorinë e Rrrethit Gjyqësor Gjirokastër dhe u mbështetën nga Forcat Operacionale të Drejtorisë së Përgjithshme të Policisë së Shtetit.

Materialet i kaluan Prokurorisë së Rrethit Gjyqësor Gjirokastër për veprën penale të “ Korrupsionit Pasiv i personave që ushtrojnë funksione publike”, të parashikuara nga neni 259 i të Kodit Penal.


ATSH:ISHTE NE PROVE
Nëpërmjet një njoftimi për shtyp Agjencia Telegrafike Shqiptare deklaron se 50 vjeçari kishte vetëm dy muaj provë në ATSH si gazetar, dhe është pushuar nga puna.

Drejtoria dhe gazetarët e ATSH-së, distancohen dhe dënojne këtë akt korruptiv, që është në kundërshtim të plotë me misionin fisnik te gazetarëve të këtij Institucioni të rëndësishëm mediatik, që në radhë të parë kanë informimin e saktë të opionionit publik dhe ruatjes së etikës profesionale gjatë ushtrimit të aktivitetit. Bektash Zeneli, i cili kishte vetëm dy muaj provë në ATSH si gazetar, u ndalua pasi ushtroi presion personal ndaj nje punonjësi te policisë së doganës së Kakavijës në Gjirokastër, duke i kërkuar 3000 euro në këmbim të mos publikimit të një video, e cila sipas Policisë, nuk vërtetonte asnjë lloj korrupsioni."- informon ATSH

(sg/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku