Gazetari: "Një vit pa internet
kalova në depresion"

Një vit pa përdorur internetin. Ky ka qenë eksperimenti që gazetari i “The Verge”, Paul Miller ka kryer për të arritur në konkluzionin se "interneti është vetëm një humbje kohe". Por në fakt pas një viti pa këtë medium, gazetari jo vetëm që nuk ka arritur në këtë konkluzion por ka vërtetuar të kundërtën. Paul, ka shmangur çdo kontakt me botën virtuale për një vit, duke iu dedikuar mëshumë gjërave më të rëndësishme për të në jetë, si familja, shoqëria dhe leximi.

Pas një viti eksperimenti, gazetari ka shkruar një artikull mbi progreset që jeta e tij nuk arriti të bënte. Ai ka rrëfyer për marrëdhënien e ndrequr me motrën e tij, gjithashtu ka arritur të përlotet gjatë leximit të librit “Të mjerët”, të Viktor Hygosë. “Isha vetëm 26 vjeç dhe doja të arratisesha. Doja të kuptoja përparësitë dhe përfitimet e jetës sime pa internetin”. Plani im ishte të braktisja punën time, të kthehesha në shtëpi tek prindërit e mi, të lexoja libra por përveç kësaj, media ku unë punoja do të paguante që unë të braktisja lidhjen me internetin.” Megjithatë nga ky eksperimentim, i cili në pamje të parë dukej sikur ishte duke ecur në rrugën e duhur dha rezultate të tjera. Sipas tij, brenda viti 2012 ka zbuluar “vese” të tjera që nuk kishin lidhje me botën virtuale. Në vend që të shndërronte mërzinë në kreativitet, Paul Miller e la veten të përfundonte në një pasivitet social duke arritur gati në depresion dhe duke ju afruar me shume alkoolit.

“Që prej një viti nuk ngas motorin tim dhe në pjesën më të madhe të javës nuk dal. Nuk arrita dot ti nisja një letër as mikun tim më të mirë me punë ne Singapor. Preferoja të qëndroja shtrirë në divanin tim duke pirë birra si dhe të luaja me video-lojëra.” Gjithashtu, në shkrimin e publikuar nga Miller shkruan edhe disa nga avantazhet që sipas tij janë të rëndësishme në botën virtuale.

Me anë të internetin mund të lokalizohen njerëzit më lehtë. Sipas tij është më e lehtë të dërgosh një email sesa të bësh një telefonatë. Në këtë mënyrë ka përfunduar kthimi pas në kohë i gazetarit Paul Miller, i cili i është rikthyer botës virtuale dhe mesa duket nga eksperienca e tij 1-vjeçare nuk do t’a braktis më.

Redaksia Online
(xh.k/shqiptarja.com)