POP 5

Lajmet më të lexuara të 5 minutave të fundit

Kronikë

Gazetarja hiqej si dietologe, merrte deri në 300 euro për një dietë! Reklamonte biznesin në rrjetet sociale! Klientët e denoncuan në polici pasi u sëmurën

E gatshme për të përfituar në çdo formë, Silvana Balliu e cila është arrestuar për mashtrim, kishte arritur të shfaqej si një dietologe specialiste dhe për një recetë të personalizuar merrte 150 deri në 300 Euro. Denoncimet ndaj saj u ngritën pasi disa nga klientët u sëmurën.

Dietat që kushtonin nga 150 deri në 300 euro, jo vetëm nuk u dhanë efektin e premtuar nga “dietologja’, por disa klientëve u ka shkaktuar dëme shëndetësore. Me këtë argument ndaj Silvana Balliu janë ngritur disa denoncimeve, të cilat sipas burimeve të Report Tv u shtuan dita ditës dhe vunë policinë në lëvizje për të zbuluar mashtrimin e 41-vjeçares.

Pas verifikimeve dhe informacioneve të marra në mënyrë operative, rezultoi se Silvana Balliu e arrestuar, nuk ishte e specializuar për dhënien e dietave dhe nuk e kishte të regjistruar subjektin që e administronte në zonën e “Brrylit” në Tiranë, përmes së cilit merrte fitimin që nuk e deklaronte. Ajo, jashtë çdo norme, arrinte të përpilonte dieta të personalizuara, për persona që kërkonin të humbnin në peshë.

Report Tv mëson se 41-vjeçarja jo vetëm që nuk kishte lidhje me dietat, por me profesion ishte gazetare. Gruaja, gjatë operacionit të policisë, fshiu të gjitha bisedat me klientët e saj në numrat e kontaktit dhe në rrjetet sociale, çfarë i shtoi asaj edhe një tjetër vepër penale, atë të veprimeve që pengojnë zbulimin e së vërtetës.

Silvana Balliu, reklamonte punën e saj si dietologe edhe përmes rrjeteve sociale, të cilat nuk aktualisht nuk janë më aktive. Policia dhe prokuroria pritet të verifikojnë celularin e saj, për të siguruar prova të tjera të ushtrimit të aktivitetit si dietologe, në kundërshti me ligjin.

Burime thonë se ka dyshime edhe për persona të tjerë të përfshirë në skemën e mashtrimit, bashkëpunëtor të 41-vjeçares Silvana Balliu, të cilët po verifikohen nga autoritetet. Balliu pritet të dalë para Gjykatës së Tiranës për t’u mësuar me masën e sigurisë, ndërsa deri në fund të hetimeve rrezikon të dënohet deri në pesë vite burg.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dobësimi: 15/10/2022 12:37

    Po 300 eurot ajo nuk ja zhvaste, ja jepnin ata. Bota është plot me budallenj

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Pretendimi i Balliut: Gjekmarkajt i hipën sipër, policët e sulmuan në mënyrë kafshërore dhe humbi ndjenjat

Pretendimi i Balliut: Gjekmarkajt i hipën sipër, policët e sulmuan në mënyrë kafshërore dhe humbi ndjenjat

23 Dhjetor, 19:53