Genc Fuga u operua për 19 mijë euro në spitalin amerikan, deputetja Gjergji: Makabër t’i thuash pacientit vdis nëse nuk i ke lekët

Deputetja demokrate Zheni Gjergji ka reaguar për rastin e aktorit Genc Fuga, i cili duhej t’i nënshtrohej urgjent një ndërhyrjeje kirurgjikale që i kushtoi 19 mijë euro në spitalin privat Amerikan. Zheni Gjergji shkruan se është makabër t’i thuash pacientit që nëse s'ke "çmimin" e operacionit, ti do duhet të vdesësh. Deputetja thotë se qytetarët shqiptarë e kanë të papërballueshme të paguajnë pagesat e larta të privatit për disa shërbime që nuk janë pjesë e QSUT.          

Është poshtërsi dhe sjellje makabër t'i thuash pacientit që nëse s'ke "çmimin" e operacionit ti do duhet të vdesësh. Është e padëgjuar në asnjë vend të botës. Është kriminale në fakt. Rasti i fundit, i publikuar  mbrëmë duhet të jetë një moment revolte për të gjithë ne, pasi ky shërbim urgjence duhet të jetë pjesë e shërbime të QSUT .

LEXO EDHE:
Shintigrafia 4 muaj jashtë shërbimit, trajtimi i fundit që prej janarit! QSUT për Report TV: Nuk kemi jod, jemi në procesi prokurimi

Shumat marramendëse të këtij trajtimi janë të papërballueshme për shqiptarët, që shpesh trajtohen ca si të nënës e ca si të njerkës! Detyra jonë si ligjvënës është kërkesa e rritur ndaj Ministrisë së Shëndetësisë  për ta rregulluar një herë e mirë këtë situatë alarmante me të cilën përballen shqiptarët çdo ditë! Nga ana tjetër ishte kaq pozitive ndjesia e solidaritetit mbrëmë,  ku vetëm në 1 orë u bashkuan shqiptarët për të shpëtuar jetën e aktorit të dashur jo vetëm  për artëdashësit.

Lajmi kryesor:

Genc Fuga goditje në tru, operohet për 19 mijë euro te spitali Amerikan! Shehu denoncon: Kriminale që disa ndërhyrje nuk realizohen në QSUT, shteti të mbulojë shpenzimet

SI.E./Shqiptarja.com

TAG:
• spitali amerikan
• QSUT
• TRITAN SHEHU
• Genc Fuga