Genta Ismajli: Vetëm kur bie të fle
ndjehem e vetmuar

Këngëtarja e njohur kosovare Genta Ismajli konfirmon nga Shkodra se është ende single. Para pak ditësh Genta Ismajli dha një koncert live duke performuar për publikun shkodran në një nga Pub-et e qytetit të Shkodrës. I ndodhur aty si spektator arrita që t’merrja këtë prononcim në një nga pauzat e shkurtra gjatë performancave falë edhe mirëkuptimit me pjestarët e stafit të saj.

E pyetur për daljet e saj më të rralla në media si dhe në ambjentet publike të Prishtinës, Genta Isnmajli u shpreh: “Eshtë e vërtetë që kohët e fundit nuk shfaqem më aq shpesh në intervista njëlloj si më parë. Megjithatë në koncerte jam po ajo që kam qenë pra non-stop".

Kurse në lidhje me pyetjen e përsë ritur që po i bëhet asaj në lidhje me praninë apo jo të gjysmës tjetër, Genta u shpreh: “Unë jam e rrethuar gjatë tërë kohës, si në shtëpi ashtu edhe në angazhimet e mia me njerzit, njerëzit e shtëpisë si dhe bashkëpunëtorët e mi. Nuk kam jetë private për momentin.Vetëm kur bie të fle, atëherë ndjehem pak e vetmuar t’ju them të drejtën.”

Ndërsa në mbyllje e pyetur nëse mban ndonjë dietë apo regjim të fortë teksa vijon të performojë me plot ritëm dhe energji një lloj si atëherë kur ishte 20 vjeçe, ajo u shpreh: “Unë mbaj regjimin, ruhem nga ushqimi i tepërt por ka edhe momente kur shtoj peshë . Mirë po ngaqë jam e gjatë nuk dallohet shumë ajo pak mbipeshë e përkohëshme që mund të më kapë. Energjia nuk më humb asnjëherë".

 Genta Ismajli gjatë shfaqjes së saj më të fundit në Shkodër

a.m/Shqiptarja.com