POP 5

Lajmet më të lexuara të 5 minutave të fundit

Media

Gentian Sala: Në prill nis procesi i
dixhitalizimit,s'parashikojmë mbylljen

Kreu i autoritetit të medias audiovizive Gentian Sala  paralajmëron se procesi i dixhitalizmit do të nisë në muajin prill, por nuk ka një datë se kur ky proces mund të mbyllet.  VIDEO
Kreu i autoritetit të medias audiovizive Gentian Sala  paralajmëron se procesi i dixhitalizmit do të nisë në muajin prill, por nuk ka një datë se kur ky proces mund të mbyllet.

Kështu deklaroi kreu i AMA gjatë prezantimit të raportit të vjetor të vitit 2015 në Komisionin e Medias .
 
Sipas tij i vetmi çelës që garanton këtë proces  është operatori publik.

Por  drejtuesi i  mbledhjes së Komisionit të Medias, në mungesë të opozitës, Alfred Peza kujtoi  faktin se ky proces  sipas afatit të vendosur  nga Autoriteti Ndërkombëtar në Gjenevë për televizionet dixhitale për dixhitalizmin, duhej kryer në qershorin e viti të shkuar.

Për aplikimin e mediave për  licensën kombëtare sipas beauty contest , Sala tha se operatorët përkatës televiziv kanë ndjekur procedurën gjyqësore për këtë çështje.

Kreu i AMA tha  se   mungesa e kuorumit në mbledhjen e bordit të AMA ka sjellë pamundësi në dhënien e licencave  veçanërisht për operatorët radiofonikë  dhe kjo situatë ka sjellë një kosto financiare për autoritetin.

Në raportin vjetor, Gentian Sala veçoi faktin se, gjatë vitit 2015 ky institucion  kishte prioritetet plotësimin e kuadrit ligjor me aktet përkatëse, pasi  në këtë fushë ka shumë vakuum.

Sa i përket piraterisë Gentian Sala tha se ky institucion ka ndjekur politikën e  komunikimeve të vazhdueshme  me subjektet ndërsa më pak inspektime të cilat janë fokusuar kryesisht në zonat urbane dhe jo rurale.

Kreu i AMA bëri të ditur gjithashtu se, aktualisht ky institucion është në fazën e  negocimit për  marrëveshjen me TVSH ndërsa tha se  së shpejti pritet të miratohen tarifat për operatorët lokalë.

Redaksia Online
(F.T/shqiptarja.com)
 

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52