George Bush uron Kosovën:Të
ardhme paqësore dhe të begatë

Ish-Presidenti i SHBA, George W. Bush, i ka përcjellë urimet e tij popullit të Kosovës, me rastin e 10-vjetorit të Pavarësisë. Në mesazhin e tij, ish-Presidenti Bush ka uruar një të ardhme paqësore, demokratike dhe të begatë për Kosovën.

“Laura dhe unë përgëzojmë popullin e Kosovës në këtë rast të rëndësishëm dhe dërgojmë urimet tona më të mira për një të ardhme paqësore, demokratike dhe të begatë”, ka shkruar ndër të tjera.

Gjithashtu, Bush ka përmendur edhe momentin kur SHBA-të kanë njohur shtetësinë e Kosovës.

Letra e plotë:
Përshëndetjet më të përzemërta qytetarëve të Kosovës të cilët festojnë 10 vjetorin e Deklaratës së Pavarësisë. Në vitin 2008, Presidenti Sejdiu ra dakord të merrte përgjegjësitë e përcaktuara nga Plani i Ahtisaarit për të nxitur lirinë, tolerancën dhe drejtësinë për qytetarët e Kosovës, pavarësisht nga përkatësia e tyre etnike. Isha krenar që pranoja kërkesën e tij për Shtetet e Bashkuara të njohin Kosovën si shtet sovran dhe të pavarur.

Dhjetë vjet më vonë, kjo ditë historike është një reflektim i angazhimit të vendit për të vazhduar ndjekjen e standardeve më të larta të dinjitetit njerëzor dhe për të çuar përpara çështjen e lirisë. Laura dhe unë përgëzojmë popullin e Kosovës në këtë rast të rëndësishëm dhe dërgojmë urimet tona më të mira për një të ardhme paqësore, demokratike dhe të begatë. Zoti të bekoftë.

d.c./shqiptarja.com