POP 5

Lajmet më të lexuara të 5 minutave të fundit

Sport

Gëzimi i parë për Artetën, Arsenali mund United, Guardiola fiton duelin me Ancelottin (VIDEO)

Arsenali mposht 2-0 Mançester Junajtid dhe rikthehet tek fitorja në kampionat. Ky ishte edhe suksesi i parë për trajnerin e ri Mikel Arteta. Guardiola fitoi duelin me Ançelotin pasi Mançester Siti mundi 2-1 Evertonin. Vitin e ri e nisi me fitore Leister ndërsa barazoi Çelsi e humbi Totenhemi.

Arsenali rikthehet tek fitoret në Premier Leaguen angleze ndërsa trajneri i ri Mikel Arteta arrin fitoren e parë në stolin e topçinjve. Arsenali mposhti pastër 2-0 Manchester United në Londër me të dy golat që u shënuan që në pjesën e parë. Pas katër ndeshjesh Arsenali rikthehet tek fitorja me golat e Pepe që e tundi rrjetën që në minutën e 8-të dhe llogaritë i mbylli mbrojtësi Sokratis që në 45 minutat e para. 27 pikë ka grumbulluar Arsenali në 21 javë 4 pikë larg zonës europiane.

Pep Guardiola fiton duelin me Carlo Ancelottin. Manchester City fitoi 2-1 ndaj Everton në “Etihad” në një ndeshje emocionuese. Duelin e vendosi dygolëshi i Gabriel Jesus që tundi dy herë rrjetën brenda 7 minutave në pjesën e dytë ndërsa goli i miqve u realizua nga Richarlison. City mbetet në vend të tretë.

Leicester City e nisi me goleadë vitin e ri. Skuadra e Rodgers “shtypi” Neëcastle në transfertë 3-0 dhe mbetet forcë e dytë në Premier League ,rivalja më e afërt e Liverpool. Chelsea ngeci në barazim ndaj Brighton por mban vendin e katërt ndërsa humbi Tottenham i Mourinhos që u mposht nga Southampton. Javën e 21-të e mbyll sonte ndeshja Liverpool-Sheffield Utd./ Përgatiti Andi Kapxhiu

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Anti-berishistët mbledhin firmat për partinë e re, a do të mbështetet?

Lajme të tjera



×

Lajmi i fundit

Hungaria akuzon BE-në për bllokimin e furnizimit me naftë nga Rusia

Hungaria akuzon BE-në për bllokimin e furnizimit me naftë nga Rusia

24 Gusht, 23:06